ពួកយើងធ្លាប់បានស្គាល់ហើយ អំពីម៉ាកដ៏ល្បី Hummer ដែលជាផលិតផលស្ថិតក្រោមស្លាកយីហោ GMC ហើយយីហោ GMC នេះត្រូវបុត្រសម្ព័ន្ធរបស់ក្រុមហ៊ុន General Motor ។ ខណ:ពេលនេះផងដែរ ក្រុមហ៊ុន GMC បានកែប្រែឈ្មោះថ្មីក្នុងឆ្នាំ ២០២២ នេះ ដែលពីមុន Hummer ឥឡូវមកជា «Hummer EV» ដែលជាប្រភេទរថយន្តអគ្គិសនី ។
តួយ៉ាងសម្រាប់ការមកដល់នៃប្រភេទរថយន្តអគ្គិសនី Hummer EV មាន ៤ ម៉ូដែល ដោយត្រូវចេញក្នុងចន្លោះ ១ឆ្នាំ មាន ១ម៉ូដែល រួមមាន Hummer EV2 , Hummer EV2x , Hummer Ev3x និងម៉ូដែលខ្ពស់ជាងគេព្រមទាំងថ្លៃជាងគេ តែត្រូវចេញលក់ឆ្នាំនេះ គឺ Hummer EV Edition 1 ដោយរៀបនឹងចេញលក់នៅរដូវស្លឹកឈើជ្រុះខាងមុននេះ ។
ក្រឡេកមកវិញ យើងនិយាយដល់កម្លាំងម៉ាស៊ីនរបស់ Hummer នីមួយៗ គឺមិនអន់ឡើយ ។ ចំពោះម៉ូទ័រអេឡិចត្រិចចំនួន ៣ រួមគ្នាដែលអាចបង្កើតកម្លាំងបានដល់ 1000 hp និងកម្លាំងបង្វិលជុំអាចឈានទៅដល់ 11500 lb-ft ប្រើជាលក្ខណ:ប៊ុង២ All-wheel-Drive ព្រមទាំងកម្រិតស្ទុះខ្លាំងក្នុងចន្លោះពីសូន្យដល់ 100 km/h ចាយពេលតិចខ្លាំង 3 វិនាទីតែប៉ុណ្ណោះ ។
Hummer EV ត្រូវបានបំពាក់បច្ចេកវិទ្យាថ្ម Ultium ស៊េរីថ្មីរបស់ ក្រុមហ៊ន GM ហើយរថយន្តប្រភេទ Pickup នេះត្រូវបានគេតេស្តល្បឿនដោយបានរកឃើញថា រថយន្តនេះអាចបើកបរក្នុងចម្ងាយ 529 km ចំពោះការសាកថ្មពេញ ។
លើសពីនេះ ខាង GMC បំពាក់មកជារន្ធសាកថ្ម 800V ដែលអាចសាកថ្មជាមួយស្ថានីយល្បឿនលឿន 350 Kw ដោយគ្រាន់តែចាយពេលតែជាង ១ ម៉ោងអាចសាកថ្មពេញ ។ មួយវិញទៀត គេរំពឹងថាក្នុងពេលសាកថ្មត្រឹម 10 នាទី អាចរត់ចម្ងាយបានរហូត 160 Km ឯណោះ ។
/cdn.vox-cdn.com/uploads/chorus_asset/file/22419271/hummer_ev_suv_001.jpg)
គូសបញ្ជាក់ផងដែរថា ចំពោះតម្លៃនៅក្រៅស្រុក របស់ Hummer EV Edition 1 ចេញមកដំបូងគឺជាង ១០ម៉ឺនដុល្លារ តែតម្លៃនេះគឺចេញពីរោងចក្រផ្ទាល់ មិនទាន់គិតពន្ធផ្លូវនិងថ្លៃដឹកជញ្ជូននៅឡើយទេ ៕
ប្រភព៖ CARADDRIVE
អត្ថបទ៖ ព្រឹម ភក្តី
