ផ្ទាំងទឹកកកដ៏ធំឈ្មោះថា Greenland ស្ថិតនៅចន្លោះមហាសមុទ្រអាកទិក និងអាត្លង់ទិក ភាគខាងកើតនៃប្រជុំកោះអាកទិកកាណាដា បាច់ផ្ដើមរលាយ ធ្វើឱ្យទឹកសមុទ្រចាប់ផ្ដើមហក់ឡើងមួយកម្រិតទៀតក្នុងពេលដ៏ខ្លីខាងមុននេះ។ ករណីដ៏គួរឱ្យព្រួយបារម្ភនេះដែរ ត្រូវបានក្រុមអ្នកវិទ្យាសាស្រ្តអះអាងថា មិនមានវិធីសាស្ត្រណាដែលអាចទប់ស្កាត់ ឬបញ្ឈប់ការរលាយនេះបានឡើយ ទោះបីជាពិភពលោកលែងបញ្ចេញកំដៅក៏ដោយ។
យោងតាមការចុះផ្សាយរបស់កាសែត CNN បានឱ្យដឹងថា អ្នកវិទ្យសាស្រ្តបានរកឃើញ ការលាយផ្ទាំងទឹកកកដ៏ធំនេះ នឹងធ្វើឱ្យកម្ពស់ទឹកសមុទ្រហក់ឡើងយ៉ាងតិច ១០អ៊ីង ឬ ២៥.៤ សង់ទីម៉ែត្រ នៃកម្រិតទឹក។ ក្រុមអ្នកស្រាវជ្រាវក៏បានឱ្យដឹងថាបន្តថា ពួកគេបានធ្វើការស៊ើបអង្កេតអំពីភូមិសាស្ត្រនៃប្រទេសដាណឺម៉ាក និងកោះ Greenland ឃើញថាកត្តាដែលធ្វើឱ្យទឹកសមុទ្រឡើងកាន់តែខ្ពស់នេះ ព្រោះទឹកដែលកើតពីការរលាយនៃផ្ទាំកទឹកកក Greenland បានហូបចាក់ចូលទៅក្នុងសមុទ្រ។
ជាមួយគ្នានេះអ្នកវិទ្យាសាស្ត្របានកំណត់ហើយថាប្រហែលជា ៣.៣% នៃផ្ទាំងទឹកកក Greenland ស្មើនឹង ១១០ ពាន់ពាន់លានតោននៃទឹកកក នឹងត្រូវរលាយដោយជៀសមិនរួច នូវពេលដែលវាចាប់ផ្ដើមមានប្រតិកម្មបន្តិចម្ដងៗ៕
អត្ថបទដោយ៖ ផែន ផាន់ណ
