ថ្មីៗនេះ មានការលើកទឹកចិត្តពីសំណាក់រដ្ឋបាលរាជធានីភ្នំពេញ ឲ្យប្រជាពលរដ្ឋដែលត្រូវធ្វើដំណើរឆ្លងកាត់ការដ្ឋានសាងសង់ស្ពានអាកាសព្រះមុនីវង្ស ចេះប្រើប្រាស់ App Google Maps ដើម្បីមើលផ្លូវកកស្ទះចរាចរណ៍ ងាយស្រួលស្វែងរកផ្លូវវាង ប្រសិនបើមានជម្រើស។ ដើម្បីសម្រួលដល់បងប្អូន ដែលពុំទាន់ចេះប្រើ Google Maps ស្ទាត់ជំនាញ ក្នុងការមើលផ្លូវកកស្ទះ ចាបខៀវសូមណែនាំពីរបៀបចូលទៅមើលផ្លូវស្ទះនៅលើ Google Maps ដឹងលទ្ធផល១០០%៖
១. ចូលទៅកាន់កម្មវិធី Goolge Maps រួចចុចនៅត្រង់សញ្ញា៤ជ្រុង ស្ថិតនៅខាងលើឆៀងខាងស្ដាំ
២. ជ្រើសរើសប្រភេទ Map type មួយណាក៏បាន រួចជ្រើសរើសកន្លែង Map details ត្រង់មុខងារ Traffic។
៣. សូមបងប្អូនមើលទៅលើពណ៌នៅលើដងផ្លូវ ដែលបងប្អូននឹងត្រូវជិះកាត់ ដោយក្នុងនេះមាន៤ពណ៌គឺពណ៌បៃតង(មិនមានការកកស្ទះ), ពណ៌ទឹកក្រូច(មានការធ្វើចរាចរណ៍ច្រើនគួរសម), ពណ៌ក្រហម(កំពុងមានការកកស្ទះចរាចរណ៍), ពណ៌ក្រហមចាស់(គឺកំពុងស្ទះខ្លាំង)
បន្ទាប់ពីបានឃើញចំណុចក្រហម ឬក្រហមខ្លាំង លើបណ្ដោយផ្លូវណាមួយ បងប្អូនអាចពង្រីក ឬបង្រួមមើលនៅលើ Google ដើម្បីវាងទៅផ្លូវផ្សេងៗ ដែលមានសញ្ញាពណ៌ទឹកក្រូច ឬបៃតង ឬត្រូវចំណាយពេលរង់ចាំ ដល់ផ្លូវមានស្ថានភាពល្អប្រសើរវិញ។