ជារៀងរាល់ឆ្នាំ ក្រុមហ៊ុន Google តែងតែផ្លាស់ប្ដូរ Logo របស់ខ្លួន ដើម្បីអបអរពិធីបុណ្យឯករាជ្យជាតិ នៅកម្ពុជា គឺថ្ងៃ០៩ ខែវិច្ឆិកា។ ដូចសព្វមួយដងដែរ នៅថ្ងៃទី០៩ វិច្ឆិកា ឆ្នាំ២០២៣ នេះ ក្រុមហ៊ុន Google បានប្ដូរផ្លាស់ Logo របស់ខ្លួន ជាមួយនឹងការរចនារូបទង់ជាតិខ្មែរយ៉ាងស្រស់ស្អាតនៅលើផ្ទៃ Logo របស់ Goole។
នេះមិនមែនជាលើកទី១ទេ ដែលក្រុមហ៊ុន Google ធ្វើបែបនេះ ពោលគឺជារៀងរាល់ឆ្នាំ នៅក្នុងថ្ងៃ៩វិច្ឆិកា ក្រុមហ៊ុននេះតែងតែមានអ្វីដែលថ្មី ដើម្បីអបអបខួបនៃការទទួលបានឯករាជ្យរបស់កម្ពុជា ជានិច្ច។ គួរបញ្ជាក់ថា នៅថ្ងៃនេះ ប្រទេសកម្ពុជាបានប្រារព្ធធ្វើពិធីបុណ្យឯករាជ្យជាតិ គម្រប់៧០ឆ្នាំ (១៩៥៣-២០២៣) ក៏ដូចជារំលឹកនូវស្នាមព្រះហស្ថ ព្រះវីរៈមហាក្សត្រកម្ពុជា គឺព្រះបាទ នរោត្តមសីហនុ ដែលបានទាមទារឯករាជ្យភាពកម្ពុជាពីប្រទេសបារាំង៕
