យោងតាមការបញ្ជាក់របស់អគ្គនាយកដ្ឋានពន្ធដារនៅថ្ងៃទី ៣១ ខែ សីហា ឆ្នាំ ២០២៣ នេះបានឱ្យដឹងថា ពន្ធលើអចលនទ្រព្យប្រចាំឆ្នាំ ២០២៣ នឹងត្រូវផុតកំណត់នៅថ្ងៃទី ៣០ ខែកញ្ញា ឆ្នាំ ២០២៣ ខាងមុខនេះ ។ក្នុងករណីខកខានមិនបានអនុវត្តកាត្វកិច្ចពន្ធលើអចលនទ្រព្យតាមកាលបរិច្ឆេទកំណត់ ម្ចាស់អចលនទ្រព្យនឹងទទួលរងនូវការពិន័យ ទោសទណ្ឌផ្សេងៗស្របតាមច្បាប់ជាធរមាន។
ហេតុដូចនេះសម្រាប់ម្ចាស់អចលនទ្រព្យដែលមិនទាន់បង់ សូមប្រញាប់រួសរាន់ទៅបង់ឱ្យទាន់ពេលវេលា តាមរយៈកម្មវិធីទូរស័ព្ទដៃអ្នកជាប់ពន្ធ GDT Taxpayer App នៅតាមបណ្តាលធនាគារពាណិជ្ជ ឬសាខាធនាគារពន្ធដារខេត្ត ខណ្ឌ ដែលអចលនទ្រព្យស្ថិតនៅ។
គួរបញ្ជាក់ផងដែរថា ពន្ធលើអចលនទ្រព្យជាប្រភេទពន្ធប្រចាំឆ្នាំ ដែលប្រមូលលើអចលនទ្រព្យរួមមាន ដី ផ្ទះ អគារ និងសំណង់ផ្សេងៗដែលស្ថិតនៅក្នុងរដ្ឋបាលរាជធានី ខេត្តនៃព្រះរាជាណាចក្រកម្ពុជា។ដែលពន្ធលើអចលនទ្រព្យនេះត្រូវប្រមូលពីអចលនទ្រព្យមានតម្លៃលើសពី ១០០,០០០,០០០ (មួយរយលាន)រៀល តាមអត្រា ០,១% ៕
