ថ្មីៗនេះរោងកុន Legend បានជូនដំណឹងដល់អ្នកដែលចូលចិត្តមើលកុនទាំងអស់ អំពីការបើកឱ្យចូលមើលកុនដោយឥតគិតថ្លៃចាប់ពីថ្ងៃទី ១៦ ដល់ ២២ ខែមករា ឆ្នាំ២០២៣ នៅរោងភាពយន្ត Legend By Ize ដែលមានទីតាំងស្ថិតនៅក្នុងផ្សារទំនើប ជីបម៉ុង271 មេហ្កាម៉ល ជាន់ទី៣។
សម្រាប់លក្ខខណ្ឌក្នុងការចូលរួមទស្សនា បងប្អូនទាំងអស់គ្នាអាចអញ្ជើញទៅដល់ទីតាំងខាងលើ នោះក្រុមការងារនឹងចាប់ផ្ដើមចែកសំបុត្រជូនរៀងរាល់ថ្ងៃចាក់បញ្ចាំងនៅម៉ោង 9ព្រឹកម្ដង និងម៉ោង6ល្ងាចម្ដង ប៉ុន្តែសម្រាប់ចំនួនសំបុត្រគឺមានកំណត់។
បើតាមការបញ្ជាក់របស់ផេកផ្លូវការរបស់ Legend Cinemas បានឱ្យដឹងថា លោកអ្នកអាចទៅទស្សនារឿងចំនួន៧ ដោយឥតគិតថ្លៃ ដែលមានដូចជារឿង Young Love, ជួបស៊យ, Jailbreak, Don’t Forget I Love You, Haunted Univerty 2, Top Gun: Maverick, និងរឿង Jurassic World: Dominion(2D) ផងដែរ។ សម្រាប់ម៉ោងបញ្ជាំងលោកអ្នកអាចមើលក្នុងតារាងខាងក្រោមនេះបាន៖
អត្ថបទដោយ៖ ផែន ផាន់ណា
