ថ្មីៗនេះនិយ័តករទូរគមនាគមន៍កម្ពុជា កំពុងរៀបចំលេខទូរស័ព្ទ ១២៨៩ ដែលអនុញ្ញាតិឲ្យកសិករសាកសួរព័ត៌មានបច្ចេកទេសកសិកម្ម ទៅកាន់អ្នកជំនាញដោយឥតគិតថ្លៃ ។ បើតាមការបញ្ជាក់នៅលើសេចក្ដីប្រកាស បានឱ្យដឹងថា “និយ័តករតម្រូវឱ្យទូរគមនាគមន៍កម្ពុជាអនុញ្ញាតឱ្យអ្នកប្រើប្រាស់សេវាទូរស័ព្ទទាំងអស់ ហៅទូរស័ព្ទចូលលេខកូដខ្លី ១២៨៩ ដោយឥតគិតថ្លៃទោះបីលេខទូរស័ព្ទពុំមានទឹកប្រាក់ហៅចេញ ព្រមទាំងធ្វើការតភ្ជាប់លេខកូដខ្លីនេះជាមួយ ប្រតិបត្តិករទូរស័ព្ទ ក្នុងគោលបំណងផ្តល់ដំណោះស្រាយផ្នែកបច្ចេកទេសកសិកម្មជូនកសិករ។” នេះបើយោងតាមលិខិត ដែលចេញផ្សាយដោយ មន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ។
អាស្រ័យហេតុនេះ សម្រាប់បងប្អូនដែលមានចម្ងល់ពាក់ព័ន្ធនឹងបច្ចេកវិទ្យាដាំដុះ ឬការធ្វើកសិកម្មផ្សេងៗ គឺកាន់តែមានភាពងាយស្រួល ដោយបងប្អូនគ្រាន់តែហៅទូរស័ព្ទទៅកាន់លេខ ១២៨៩ ដើម្បីសួរនាំមន្ត្រីជំនាញរៀងរាល់ម៉ោងធ្វើការ បានដោយឥតគិតថ្លៃ ទោះគ្មានទឹកប្រាក់នៅក្នុងប្រព័ន្ធទូរស័ព្ទក៏ដោយ។
