បើទោះបីជាទូរស័ព្ទមួយគ្រឿង អាចដាក់សៀវភៅបានរាប់ម៉ឺនរាប់សែនក្បាល ក៏អ្នកអានដែលចូលចិត្តអានសៀភៅអេឡិចត្រូនិក នៅតែជួបបញ្ហាមួយចំនួន ដូចជាអារម្មណ៍មិនមូលក្នុងការអាន ឬអានមិនសូវយល់ជាដើម។ ដើម្បីដោះស្រាយបញ្ហាទាំងនេះ Technology Cambodia (ចាបខៀវ) ក៏បានសួរនាំពីអ្នកជំនាញលើផ្នែកនេះ គឺលោកជា ឌីណា សហស្ថាបនិក Kumnit App ដែលជា App អានសៀវភៅនិងស្ដាប់ការអានសៀវភៅជាសំឡេងរាប់ពាន់ក្បាលនៅលើទូរស័ព្ទ បានណែនាំពីគន្លឹះខ្លឹមៗ៦ចំណុច ឱ្យអ្នកអានសៀវភៅអេឡិចត្រូនិកឆាប់យល់៖

• ១. បន្ធូរអារម្មណ៍ឱ្យស្រស់ថ្លា មុនពេលចាប់ផ្ដើមអាន ។ ការអានសៀវភៅ បែបអេឡិកត្រូនិកដ៏ល្អត្រូវការពេលវេលាប្រហែលជា កន្លះម៉ោងទៅ ៤០នាទី ក្នុងមួយថ្ងៃ។
• ២. បិទ Notifications ហ្វេសប៊ុក អ៊ីនស្ដាក្រាម តេលេក្រាម ឬកម្មវិធីដែលអាចរំខានដល់ការអានរបស់អ្នក ។
• ៣. ប្តូរ Cover រឺ Background នៅលើទំព័រសៀវភៅ អេឡិកត្រូនិក យកពណ៍កាកអំពៅ ដើម្បីសមនឹងភ្នែក ងាយស្រួលក្នុងការអានបានយូរ មិនងាយធុញធ្រាន់ ។
• ៤. បង្កើតចម្ងល់ និងការចង់ដឹងជាបន្តបន្ទាប់ ពេលអានពីមួយចំណុចទៅមួយចំណុចនៅក្នុងសៀវភៅ ។
• ៥. ពេលខ្លះ អ្នកអាចរំលងកន្លែងពិបាក ឬសាំញ៉ាំមួយចំនួននៅក្នុងសៀវភៅ ហើយអានបន្តដោយមិនបាច់ខ្វល់ពីកន្លែងទាំងនោះ ។
• ៦. កំណត់ចំនួនទំព័រ ឬជំពូកក្នុងការអានម្ដងៗ ហើយឈប់សម្រាកសិន មុននឹងអានបន្តទៀត ព្រោះការបន្តអានក្នុងរយៈពេលយូរពេកនឹងធ្វើឱ្យអ្នកធុញទ្រាន់ និង មានអារម្មណ៍ថាឈឺភ្នែកដោយសារតែប៉ះពាល់នឹងពន្លឺ Smart Phone ។

តោះ សាកល្បងអនុវត្តនូវវិធីទាំងនេះទាំងអស់គ្នា ធានាថាអានសៀវភៅលែងធុញដូចពីមុនហើយ។ អានច្រើន ចេះច្រើន កើនបញ្ញា ផ្លូវចិត្តក៏ល្អប្រសើរជាងមុន។  ទន្ទឹមនឹងនោះដែរ មិត្តអ្នកអានកាន់តែងាយស្រួល  ដោយសារនៅក្នុង Kumnit App សិស្ស និស្សិត យុវជន ក៏ដូចជាសហគ្រិនទូទៅ អាចអានក៏បាន ស្តាប់ក៏បាននៅក្នុង Smart Phone របស់យើងគ្រប់ៗគ្នាតែម្តង ។

អត្ថបទដោយ៖ ផែន ផាន់ណា