បើយោងតាមការចេញផ្សាយនៅលើផេកផ្លូវការរបស់ក្រសួងទេសចរណ៍ បានឱ្យដឹងថា ព្រឹត្តិការណ៍សមរាត្រីនឹងកើតឡើងជាលើកទី២ នៅខែកញ្ញ ពោលគឺថ្ងៃទី២១-២៣ ខាងមុខនេះ បន្ទាប់ពីបានកើតឡើងម្ដងរួចមកហើយកាលពីខែមីនាកន្លងទៅ។ សមរាត្រី ឬ Equinox Angkor Wat (ព្រះអាទិត្យរះចំកណ្ដាលប្រាសាទអង្គរវត្ត) គឺជាព្រឹត្តិការណ៍មួយដែលកើតឡើងពីរដងក្នុងមួយឆ្នាំ ។ ដោយលើកទី១នៅក្នុងខែមីនា និងលើកទី២នៅខែកញ្ញា។ ព្រឹត្តិការណ៍នេះមានទំនាក់ទំនងជាមួយនិងស្ថាបត្យកម្មរបស់អង្គរវត្តដ៏អស្ចារ្យនៅក្នុងប្រវត្តិសាស្ត្រខ្មែរផងដែរ។ សូមបងប្អូនដែលស្រលាញ់ចូលចិត្តការថតរូបត្រៀម កាម៉េរ៉ា ដើម្បីផ្តិតយករូបភាពដ៏អស្ចារ្យពីព្រឹត្តិការណ៍មួយនេះ ចន្លោះថ្ងៃទី២១-២៣ ខែកញ្ញា ឆ្នាំ២០២៣ ។
រូបភាពពីក្រសួងទេសចរណ៍