ដូចដែលយើងបានដឹងស្រាប់ហើយថាកាលពី ៤ខែមុន មេធំរបស់ក្រុមហ៊ុន Tesla និង SpaceX គឺលោក Elon Musk បានប្រកាសថាលោកនឹងមិត្តស្រីឈ្មោះ Grimes បានចែកផ្លូវគ្នា ដោយសារតែលោករវល់ការងារខ្លាំងពេក មិនសូវមានពេលសម្រាប់មិត្តស្រីគ្រប់គ្រាន់ ហើយចំណងស្នេហ៍នេះលោកទទួលបានកូនប្រុសម្នាក់ឈ្មោះ X Æ A-Xii។
ប្រកាសលែងលះមិនទាន់គ្រប់កន្លះឆ្នាំផង លោក Elon Musk ត្រូវបានគេទម្លាយព័ត៌មានថ្មីថា បានឃើញលោកនឹងមិត្តស្រីថ្មីម្នាក់ទៀត បណ្ដើរគ្នាចុះពីលើយន្តហោះផ្ទាល់ខ្លួន នៅក្នុងរដ្ឋ Los Angeles សហរដ្ឋអាមេរិក។ មិត្តស្រីថ្មីវ័យក្មេងអាយុ២៧ឆ្នាំ របស់លោក Elon Musk នេះ ត្រូវបានគេស្គាល់ថានាងគឺជាតារាសម្ដែងភាពយន្តដ៏លេចធ្លោរមួយរូបឈ្មោះ Natasha Bassett មានដើមកំណើតជាជនជាតិអូស្ត្រាលី នេះបើយោងតាមការចុះផ្សាយរបស់ dailymail។
មិនធ្វើការរហូតទុកបេះដូងឱ្យពិការយូរទេ មុនមានទំនាក់ទំនងស្នេហ៍ជាមួយកញ្ញា Natasha Bassett នេះ លោក Elon Musk ធ្លាប់បានលែងលះជាមួយគូស្នេហ៍របស់លោក អស់៣នាក់ហើយ ដោយចំណងដៃនៃគូស្នេហ៍ទាំងនោះ លោកទទួលបានបុត្រចំនួន ៧នាក់ឈ្មោះ X Æ A-Xii, Nevada Alexander Musk, Griffin Musk, Damian Musk, Xavier Musk, Kai Musk, Saxon Musk។
នេះគឺជារឿងរ៉ាវស្នេហារបស់កំពូលមហាសេដ្ឋីពិភពលោក Elon Musk ដែលគ្រងទ្រព្យសម្បត្តិសរុបចំនួន ២៣៣,៦ ពាន់លានដុល្លារក្នុងពេលបច្ចុប្បន្ននេះ។ មូលហេតុនៃការលែងលះរបស់លោក ភាគច្រើនសុទ្ធតែក្រោមហេតុផលថា មិនសូវមានពេលគ្រប់គ្រាន់សម្រាប់មិត្តស្រី ព្រោះលោករវល់នឹងការងារខ្លាំង សូម្បីតែផ្ទះក៏លក់អស់ដែរ ដោយសារមិនមែនពេលរស់នៅ។
ដល់ត្រងចំណុចនេះយើងចង់រំលឹកអ្នកអានបន្តិចថា មហាសេដ្ឋីកាន់ប្រាក់ពាន់លានច្រើនរូបណាស់ ដែលបានបែកបាក់ស្នេហាបែបនេះ តួយ៉ាងដូចជាលោក Jeff Besoz ស្ថាបនិក Amazon, លោក Bill Gates ដែលជា CEO របស់ក្រុមហ៊ុន Microsoft, Bernard Arnault មានជំនួយខ្នាតយក្សដូចជាក្រុមហ៊ុន LV, និងលោក Elon Musk នេះជាដើម។
អត្ថបទដោយ៖ ផែន ផាន់ណា
