ក្រោយទិញភាគហ៊ុនដ៏ច្រើននេះរួចមក Elon Musk ក៏បានបង្ហោះសារនៅលើបណ្ដាញសង្គម Twitter ដែលធ្វើឱ្យមនុស្សមហាជន ជាពិសេសគឺអ្នកគាំទ្រលោកផ្ទាល់ មានការងឿងឆ្ងល់យ៉ាងខ្លាំង។ Elon Musk បានបង្ហោះសារយ៉ាងខ្លីថា Oh hi lol នៅលើ Twitter ដោយមិនបានបញ្ជាក់ពីន័យណាមួយ ឱ្យអ្នកគាំទ្រលោកបានយល់ឡើយ។

គួររំលឹកថាមហាសេដ្ឋីពិភពលោក ឈានមួយជំហានញ័រផែនដីរូបនេះ បានធ្វើឱ្យភាគហ៊ុន Twitter កើនឡើងដល់ទៅ ២៥% ភ្លាមៗ បន្ទាប់ពីលោកចេញមករិះគន់បណ្ដាញសង្គម Twitter ភ្លាមៗ ចំពោះបញ្ហាបញ្ចេញមតិជាសាធារណៈ ធ្វើឱ្យប៉ះពាល់ដល់លិទ្ធិប្រជាធិបតេយ្យ។ មិនតែប៉ុណ្ណោះលោកក៏បាន សួរទៅអ្នកគាំទ្រលោកថា តើគួរទិញយកបណ្ដាញសង្គម Twitter ឬក៏បង្កើតបណ្ដាញសង្គមថ្មី?

ជាមួយគ្នានេះ អ្នកគាំទ្រលោកច្រើនខ្លាំងណាស់ ដែលណែនាំឱ្យលោកទិញយកក្រុមហ៊ុន Twitter ទៅ។ ឥឡូវនេះដូចបំណងហើយ ដោយលោក Elon Musk បានទិញយកភាគហ៊ុន Twitter របស់រហូតដល់ ៩.២% ដែលធ្វើឱ្យលោកក្លាយជាមនុស្សម្នាក់ ដែលកាន់ភាគហ៊ុន Twitter ច្រើនជាងគេលើលោក នេះបើយោងតាមការចុះផ្សាយរបស់ foxbusiness។

អត្ថបទដោយ៖ ផែន ផាន់ណា