កំពូលមហាសេដ្ឋីវ័យ ៥០ប្លាយ លោក Elon Musk ហាក់ជាប់ចិត្តនឹងកម្លាំងពលកម្មរបស់ពលរដ្ឋចិន ក្រោយពីលោកបានសម្លឹងឃើញអំពីសក្ដានុពលនៃប្រសិទ្ធិភាពការងារដែលកើតចេញពីកិច្ចខិតខំប្រឹងប្រែងរបស់ចិន។ មិនតែប៉ុណ្ណោះ Elon ក៏មានក្ដីសង្ឃឹមខ្ពស់ថាអនាគត ក្រុមហ៊ុនដែលខ្លាំងៗជាច្រើន នឹងរះនៅលើទឹកដីប្រទេសចិន ព្រោះតែកម្លាំងការងារនៅក្នុងប្រទេសមួយនេះខ្លាំង នេះបើយោងតាមការចុះផ្សាយរបស់ Insider។
នៅក្នុងបទសម្ភាសន៍មួយ ជាមួយនឹងកាសែត Financial Times លោក Elon Musk បានលើកសរសើរមិនដាច់ពីមាត់ថា នៅក្នុងប្រទេសចិន គឺសម្បូរមនុស្សដែលមានទេពកោសល្យខ្ពស់ ឧស្សាហ៍ព្យាយាម នឹងហ៊ានដាក់កម្លាំងកាយចិត្តយ៉ាងមុតមាំលើការធ្វើការ ឬផលិតអ្វីមួយ ហើយអ្វីដែលកាន់តែស្ងើចមួយកម្រិតទៀតនោះ ពួកគេមិនបានធ្វើការដល់ពាក់កណ្ដាលអធ្រាត្រ ប៉ុន្តែពួកគេអាចធ្វើការបន្តដល់ម៉ោង៣ភ្លឺក៏មានដែរ។
គូសបញ្ជាក់ថា Elon Musk គឺជាអ្នកដឹកនាំម្នាក់ ដែលព្យាយាមធ្វើជាគម្រូដល់បុគ្គលិកទាំងអស់នៅក្នុងរោងចក្រ ដោយពេលខ្លះលោកធ្វើការរបស់ដេកនៅលើឥដ្ឋផ្ទាល់ក៏មានដែរ។ ជាកស្ដែងកាលពីឆ្នាំ២០១៨កន្លងទៅ គាត់ក៏បានប្រាប់ទៅកាន់កាសែត Bloomberg ថា ខ្ញុំចង់ឱ្យស្ថានភាពរបស់ខ្លួន អាក្រក់ជាអ្នកផ្សេងទៀត ដែលកំពុងធ្វើការនៅក្នុងក្រុមហ៊ុន ហើយនៅពេលណាដែលពួកគេ(បុគ្គលិក) មានអារម្មណ៍ថាពិបាក ខ្ញុំរឹតតែចង់ធ្វើគម្រូណាដែលយ៉ាប់ៗឱ្យពួកគេបានឃើញផ្ទាល់។
អត្ថបទដោយ៖ ផែន ផាន់ណា
