កាលពីពេលថ្មីៗនេះ លោក Elon Musk បានធ្វើឱ្យមនុស្សជាច្រើនលាននាក់ ផ្ទុះការចាប់អារម្មណ៍បន្ទាប់ពីលោកភ្លក់រសជាតិស្ករគ្រាប់ Kopiko នឹងបានលើកមេដៃផ្ដល់ជាសញ្ញាថា “Very Good” ដែលបញ្ជាក់ថាស្ករគ្រាប់ដ៏ពេញនិយមនេះមានរសជាតិឆ្ងាញ នេះបើយោងតាមការចុះផ្សាយរបស់គេហទំព័រ mothership។
ប្រភពដដែលបានឱ្យដឹងថា គ្រាន់តែលោក Elon Musk ឱ្យសញ្ញាមេដៃទាំង២ បញ្ជាក់ពីរសជាតិរបស់ស្ករគ្រាប់២គ្រាប់នេះរួចមក ស្រាប់តែភាគហ៊ុនរបស់ Kopiko ហក់ឡើងដល់ទៅ ៧.៣៥% ភ្លាមៗ។ យ៉ាងណាមិញ ការញ៉ាំស្ករគ្រាប់ដ៏ល្អ Kopiko នេះ បានធ្វើឡើង អំឡុងពេលកិច្ចប្រជុំមួយកាលពីដើមខែមេសា ជាមួយរដ្ឋមន្ត្រីសម្របសម្រួលកិច្ចការសមុទ្រ និងវិនិយោគិនរបស់ប្រទេសឥណ្ឌូនេស៊ី លោក Luhut Pandjaitan ក្នុងរដ្ឋតិចសាស់។
គូសបញ្ជាក់ថាស្ករគ្រាប់ Kopiko គឺជាម៉ាកយីហោស្ករកាហ្វេរបស់ប្រទេសឥណ្ឌូណេស៊ី ដែលផលិតដោយក្រុមហ៊ុនល្បីឈ្មោះ Mayora Indah។ ស្ករគ្រាប់នេះត្រូវបានដាក់ឈ្មោះតាមគ្រាប់កាហ្វេម៉្យាងឈ្មោះ kōpiko ដែលត្រូវបានរកឃើញនៅលើកោះហាវៃ។
Habis spending 630T beli Twitter, Elon di minta melek terus sama Lord biar kembali fokus kerja. #kebanggaanIndonesia pic.twitter.com/iM56LDlF6H
— TXT OLCOP (@txtdarionlshop) April 27, 2022
អត្ថបទដោយ៖ ផែន ផាន់ណា
