កំពូលមហាសេដ្ឋីពិភពលោក Elon Musk ស្ថាបនិកក្រុមហ៊ុន SpaceX និងជាង CEO ក្រុមហ៊ុនឡានអគ្គិសនី Tesla កំពុងគ្រងទ្រព្យសម្បត្តិចំនួន ២២០.៥ ពាន់លានដុល្លារក្នុងដៃ។ Elon Musk គឺជាសេដ្ឋីម្នាក់ដែលមានប្រជាប្រិយភាពនៅលើបណ្ដាញសង្គម ជាពិសេសនៅលើ Twitter តែម្ដង។
ថ្មីៗលោកបានធ្វើឱ្យអ្នកគាំទ្រនៅលើ Twitter ភ្ញាក់ផ្អើលជាខ្លាំង ខណៈលោកបានផ្លាស់ប្ដូរឈ្មោះគណនី Twitter ផ្ទាល់ខ្លួនដោយបន្ថែមពាក្យថា Na។ ការផ្លាស់ប្ដូរឈ្មោះពី Elon Musk ទៅជា Elona Musk មានមនុស្សជាច្រើន ហាក់មិនសូវបានចាប់អារម្មណ៍ប៉ុន្មានទេ ប៉ុន្តែពេលពិនិត្យបន្តិច ទើបយើងដឹងថាឈ្មោះលោកនៅលើ Twitter ពិតជាបានផ្លាស់ប្ដូរមែន។
មូលហេតុដែល លោក Elon Musk ធ្វើការប្តូរឈ្មោះបែបនេះដោយសារ ៖ លោក Ramzan Kadyrov ជាប្រមុខនៃសាធារណរដ្ឋ Chechen ហើយជាសម្ព័ន្ធមិត្តរបស់លោកពូទីន បាននិយាយទៅកាន់ Elon musk ថា «អ្នកគួរតែលើកសាច់ដុំឲ្យធំជាងនឹងបន្តិចមក មើលទៅអ្នកទន់ជ្រាយណាស់( effeminate ) អ្នកគួរតែដូរឈ្មោះទៅជា Elona សមជាង Elon » ហើយលោក Kadyrov បានបន្តនិយាយទៀតថា « គាត់ណែនាំឲ្យ Elon musk អំពីក្លឹបហាត់ប្រាណ និង ក្លឹបប្រដាល់មួយចំនួននៅក្នុងរដ្ឋ chechen »យោងតាមខ្លឹមសារដែលបកប្រែចេញពីភាសារុស្ស៊ីដែលបានផុសចេញពី Telegram ។
អត្ថបទដោយ៖ ផែន ផាន់ណា