គីឡូភ្លើងឡើងខុសប្រក្រតី? កុំឲ្យប្រកែកគ្នា នេះជាដំណោះស្រាយផ្លូវច្បាប់ និងអ្នកប្រើត្រូវតាមដានជាប្រចាំ
ផែន ផាន់ណា
MAY 24 2023
អេឡិចត្រូនិក
4.1 K views
1 min read

ជាធម្មតា នៅរដូវក្តៅ ឬរដូវប្រាំង តែងកើតមានការសង្ស័យ និងការត្អូញត្អែរពីអ្នកប្រើប្រាស់មួយចំនួនតូចថា បរិមាណថាមពលអគ្គិសនី(kWh) ប្រើប្រាស់ប្រចាំខែអស់ច្រើនជាងធម្មតា ឬកើនឡើងខុសធម្មតា ឬនាឡិកាស្ទង់ (កុងទ័រ)ដើរលឿនខុសប្រក្រតី ព្រមជាមួយនឹងការលើកឡើងថា៖ ១.ចំនួនឧបករណ៍អគ្គិសនីនៅដដែល ពុំមានបន្ថែមឧបករណ៍អ្វីទ ២.ការប្រើប្រាស់ដដែល ការប្រើប្រាស់ដូចធម្មតា អត់មានប្រើច្រើនជាងមុនទេ។ យើងតាមដំណោះស្រាយរបស់អាជ្ញាធរអគ្គិសនីកម្ពុជាបានឲ្យដឹងថា លោកអ្នកអាចដោះស្រាយបានតាមរយៈផ្លូវច្បាប់ និងមួយទៀតគឺអ្វីដែលអ្នកគួរធ្វើជាប្រចាំ៖

ដំណោះស្រាយតាមផ្លូវច្បាប់​

  • ១.ត្រួតពិនិត្យការកត់ត្រាការប្រើប្រាស់ប្រចាំខែសម្រាប់ចេញវិក្កយបត្រ ថាតើត្រឹមត្រូវឬទេ?
  • ២.ត្រួតពិនិត្យ និងផ្ទៀងផ្ទាត់កុងទ័រ ថាតើវាដើរត្រឹមត្រូវឬទេ?
  • ក្នុងករណីការពិនិត្យផ្ទៀងផ្ទាត់កុងទ័រ និងការផ្ទៀងផ្ទាត់ការកត់ត្រាការប្រើប្រាស់ប្រចាំខែសម្រាប់ចេញវិក្កយបត ឃើញត្រឹមត្រូវ មានន័យថា បរិមាណថាមពលអគ្គិសនី(kWh)ប្រចាំខែ ដែលកត់ត្រាដោយកុងទ័រនោះ ទោះតិចក្តី ច្រើនក្តី នៅដដែលក្តី កើនឡើងតិចក្តី កើនឡើងច្រើនក្តី គឺជាបរិមាណថាមពលអគ្គិសនី(kWh) ត្រឹមត្រូវ។

    អ្នកប្រើប្រាស់គួរធ្វើ

    • ១.ត្រួតពិនិត្យខ្សែពីប្រអប់កុងទ័រទៅផ្ទះ ប្រព័ន្ធបណ្តាញអគ្គិសនីក្នុងផ្ទះ និងបរិក្ខារអគ្គិសនីប្រើប្រាស់នៅក្នុងផ្ទះ
    • ២.ដើម្បីឱ្យអស់ចិត្ត អ្នកប្រើប្រាស់អាចទិញកុងទ័រដោយខ្លួនឯងពីទីផ្សារដែលមានប្រភពច្បាស់លាស់ និង មានការទទួលស្គាល់ពីរោងចក្រផលិត មកដាក់ផ្ទឹមគ្នាជាមួយកុងទ័រដែលកំពុងប្រើប្រាស់រាល់ថ្ងៃ ដើម្បីផ្ទៀងផ្ទាត់ក្នុងរយៈពេល៣ខែ។

    348825721 629075845472942 3444012766839110162 N

    បន្តអានអត្ថបទបន្ទាប់
    ស្វែងយល់អំពីពួកយើង
    ទំនាក់ទំនង​មក​ពួក​យើង
    © 2024 Baksey Media. All Rights Reserved.
    Developed by: Technology Cambodia