ក្រុមហ៊ុន Cyber Grow Solution Co.,ltd ដែលជំនាញទៅលើការផ្គត់ផ្គង់ផលិតផល និងសេវាកម្មដែលទាក់ទងនឹងបច្ចេកវិទ្យា (IT) ជូនដល់អតិថិជនដែលជាម្ចាស់អាជីវកម្ម ម្ចាស់ក្រុមហ៊ុន និងស្ថាប័នធំៗ ទាំងឯកជននិងរដ្ឋ នៅកម្ពុជា បានរៀបចំកម្មវិធីពិសេស ដើម្បីចែករំលែកចំណេះដឹងពាក់ព័ន្ធនឹងបច្ចេកវិទ្យា ក្រោមប្រធានបទ “Maximizing your organization security with XDR and NDR A Comprehensive Approach” ដែលកម្មវិធីនេះដែរ គឺធ្វើឡើងនៅក្នុងអគារ The Penthouse office Building ស្ថិតនៅតាមបណ្ដោយផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី២៣ ខែសីហា ឆ្នាំ២០២៣ កន្លងទៅថ្មីៗនេះ។
ជាមួយគ្នានេះដែរ នៅក្នុងកម្មវិធីចែករំលែកចំណេះដឹងសំខាន់ៗពាក់ព័ន្ធនឹងវិស័យអាយធីពីក្រុមហ៊ុន Cyber Grow Solution ក៏ឃើញមានវត្តមានរបស់លោក ប៊ុន ចាន់ឈីម ដែលជាប្រធានក្រុមប្រឹក្សាភិបាលរបស់ក្រុមហ៊ុននេះផ្ទាល់, លោកយ៉ាន់ ពិសិដ្ឋ ប្រធានផ្នែកលក់នៃ Cyber Grow Solution និងលោក Vu Tran (Rainy) ដែលជាអ្នកជំនាញផ្នែក CISSP និង Security Advisor ឡើងមកចែករំលែកចំណេះដឹងបច្ចេកវិទ្យាថ្មីៗជាច្រើនផងដែរ។
អមនឹងកម្មវិធីនេះដែរ ក្នុងនោះក៏មានការចូលរួមពីសំណាក់ភ្ញៀវកិត្តិយសជាច្រើននាក់ ដែលសុទ្ធសឹងតែជាអ្នកជំនាញផ្នែកព័ត៌មានវិទ្យា ឬ IT និងអ្នកជំនាញផ្នែកធនាគារ ឬគ្រឹះស្ថានផ្សេងៗច្រើនទៀត ដូចជាអ្នកជំនាញមកពីធនាគារ ACLEDA Bank, Daun Penh Specialize Bank, Woori Bank, Hatha Bank, Sathapana BANK, ABA Bank, Amret Microfinance, Funan Microfinance ។ បន្ថែមពីលើនេះ ក្រុមហ៊ុន Cyber Grow Solution ក៏បានរៀបចំនូវអាហារសម្រន់យ៉ាងប្រណិត ជូនដល់ភ្ញៀវកិត្តិយស ព្រមទាំងមានកម្មវិធីចាប់រង្វាន់ (Lucky Draw) ជាច្រើនរង្វាន់ទៀតផងដែរ៕
