ដើម្បីពង្រឹងប្រសិទ្ធភាពបន្ថែមទៀតនូវការអនុវត្តនីតិវិធីឆ្លងកាត់គយតាមមធ្យោបាយ អេឡិចត្រូនិកៈ អគ្គនាយកដ្ឋានគយនិងរដ្ឋាករកម្ពុជា ថ្មីៗនេះបានចេញសេចក្ដីជូនដំណឹងស្ដីពីការដាក់ឱ្យអនុវត្តិមុខងារឆ្លងកាត់គយប្រភេទថ្មី តាមប្រព័ន្ធអេឡិចត្រូនិក ដូចត្រូវអនុវត្តិដូចខាងក្រោមនេះ៖
១- ដាក់ឱ្យអនុវត្តមុខងារឆ្លងកាត់គយជំនាន់ថ្មីក្នុងប្រព័ន្ធអេឡិចត្រូនិកគយ ចាប់ពីថ្ងៃទី០១ ខែកក្កដា ឆ្នាំ២០២៣ នេះតទៅ។
២- បញ្ឈប់ការស្នើសុំការអនុញ្ញាតឆ្លងកាត់គយជាមុនតាមទម្រង់ក្រដាស ដោយជំនួសមកវិញនូវការស្នើសុំ
ឆ្លងកាត់គយជាមុនតាមប្រព័ន្ធអនឡាញ។
៣- របៀបប្រើប្រាស់មុខងារនេះ មាននៅក្នុង“សៀវភៅមគ្គទេសក៍ប្រើប្រាស់មុខងារឆ្លងកាត់គយ” ដែល
អាចទាញយកបានពីគេហទំព័រផ្លូវការរបស់អគ្គនាយកដ្ឋានគយនិងរដ្ឋាករកម្ពុជា។ អាស្រ័យហេតុនេះ សូមមន្ត្រីគយ សាធារណជន ធុរជន និងអ្នកពាក់ព័ន្ធទាំងអស់ មេត្តាជ្រាបជាព័ត៌មាន និងចូលរួមសហការអនុវត្តឱ្យមានប្រសិទ្ធភាព។
