យោងតាមការចេញផ្សាយរបស់ការសែត CNBC បានឱ្យដឹងថា មានអគារសំខាន់ៗចំនួន៣ ដែលមានតូបលក់គ្រឿងអេឡិចត្រូនិករាប់ពាន់តូប ដែលភាគច្រើនលក់មីក្រូឈីប គ្រឿងបន្លាស់ទូរស័ព្ទ និងគ្រឿងបន្លាស់ផ្សេងទៀត ខណៈការបិទនេះនឹងត្រូវបញ្ចប់នៅថ្ងៃទី២ ខែកញ្ញាខាងមុខនេះ។

ជាមួយគ្នានេះនៅក្នុងទីក្រុង Futian ដែលជាទីស្នាក់ថាសំខាន់មួយរបស់រដ្ឋាភិបាលចិន ក៏បានប្រកាសបិទរោងកុន ហាងខារ៉ាអូខេ និងសួនកម្សាន្ត ខណៈព្រឹត្តិការណ៍ធំៗដែលគ្រោងរៀបចំក៏នឹងត្រូវបិទទៅវិញដូចដូចគ្នា រហូតដល់ថ្ងៃទី២កញ្ញា ទើបពិចារណាថាគួរបើកឬអត់។ យ៉ាងណាមិញ ការបិទភ្លាមៗបែបនេះ បានធ្វើឱ្យប៉ះពាល់ទៅដល់កន្លែងលក់គ្រឿងអេឡិចត្រូនិកដ៏ធំក្នុងប្រទេសចិន Huaqiangbei  ព្រមទាំងរំខានដល់ការវិនិយោគរបស់សហគ្រិនបរទេស ដែលកំពុងរកស៊ីក្នុងតំបន់នេះដែរ។

គូសបញ្ជាក់ថាម្សិលមិញនេះ តំបន់ Huaqiangbei ឬមឈ្ឈមណ្ឌលបច្ចេកវិទ្យាដែលមានមនុស្សរស់នៅប្រមាណ ១៨លាននាក់នេះ ត្រូវបានរកឃើញករណីកូវីដ១៩ ចំនួន៩ និងករណី asymptomatic ពីរករណី ក្រោយធ្វើតេស្តកន្លងមក។ ការធ្វើតេស្តរកកូវីដ១៩ បានក្លាយជាលក្ខណៈពិសេសមួយ សម្រាប់អ្នកដែលរស់នៅក្នុងតំបន់ Huaqiangbei ខណៈកន្លែងសាធារណៈ និងការិយាល័យភាគច្រើន សុទ្ធតែត្រូវការភស្ដុតាងនៃការតេស្តកូវីដ១៩ រយៈពេល ៤៨ម៉ោង ២៤ម៉ោងសិន ទើបអនុញ្ញាតឱ្យចូលបាន។

អត្ថបទដោយ៖ ផែន ផាន់ណា