ជាទូទៅគេនិយមប្រើប្រាស់កម្មវិធីជំនួយផ្សេងៗ ដើម្បីថតចម្លងអក្សរនៅលើរូបភាព ឲ្យចេញជាអក្សរដែលអាច Copy បាន តាមរយ:កម្មវិធី Google Lens ជាដើម។ កាន់តែងាយស្រួលជាង Google Lens គឺយើងអាចប្រើប្រាស់កម្មវិធីតេឡេក្រាម ដែលកំពុងប្រើប្រចាំថ្ងៃ ឲ្យជួយបំប្លែងអក្សរពីរូបភាព មកជាអក្សរអាច Copy ឬកែសម្រួលបានតាមចិត្ត។ របៀបបំប្លែង៖
១. ចុចនៅលើប្រអប់ Search ក្នុងកម្មវិធីតេឡេក្រាម រួចវាយពាក្យថា Image To Text [OCR] រួចចុចលើវា
២. ចុចត្រង់រូបម្ជុលខ្ទាស់ ដើម្បីជ្រើសរើសរូបភាពមានអក្សរ ដែលយើងចង់បំប្លែង
៣. ក្រោយពី Upload ចូលរួម គ្រាន់តែរង់ចាំប្រហែល១០វិនាទី នោះវានឹងបង្ហាញអក្សរ ដែលលោកអ្នកចង់បំប្លែង មិនបាត់សូម្បីតែមួយពាក្យ។
បញ្ជាក់ថា លោកអ្នកអាចប្រើតែ File រូបភាពប៉ុណ្ណោះ ទើបវាអាចបំប្លែងអក្សរខ្មែរ មិនបាត់ដៃបាត់ជើង តែបើបងប្អូនព្យាយាមយក File PDF បងបំប្លែង គឺលទ្ធផលចេញមក អក្សរនេះនោះនឹងបាត់ដៃបាត់ជើងជាមិនខាន។
អត្ថបទដោយ៖ ផែន ផាន់ណា
