ការស្វែងរកនាវាមុជទឹក Titan ត្រូវបានអ្នកសង្គ្រោះបានបញ្ជាក់ច្បាស់ជាផ្លូវការថា មនុស្សទាំង ៥នាក់ដែលបានបាត់ជាមួយនឹងនាវានោះ គ្មានសង្ឃឹមនៅរស់ឡើយ ដោយគេបានសន្មតថា នាវានោះត្រូវបានផ្ទុះនៅពេលចុះទៅដល់ក្រោមបាត់សមុទ្រជម្រៅជិត ៤គីឡូម៉ែត្រ ដោយក្រុមអ្នករុករកបានប្រទះឃើញនូវបំណែកសំខាន់ៗ មួយចំនួនរបស់ នាវា Titan នៅក្បែរខ្មោចនាវាទីតានិច ចម្ងាយប្រហែល ៥០០ម៉ែត្រ។ ប៉ុន្តែអ្វីដែលចម្លែកនោះ ឧបករណ៍សម្រាប់បញ្ជានាវានោះ គឺដៃហ្គេមក្មេងលេងធម្មតាមួយឈ្មោះថា Logitech F710 ។
ឧបករណ៍តាមដាន GPS មិនមែនជម្រើសដែលល្អសម្រាប់ការតាមដានទីតាំងនាវាមុជទឹក Titan នោះទេ ដោយសារគ្រប់បណ្តាញសេវាអ៊ីនធឺណេត ទោះជាមកពីផ្កាយរណបក៏ដោយ ក៏មិនអាចចូលដល់ក្រោមបាតសមុទ្របានដែរ។ ហើយអ្វីដែលអ្នកដែលក្នុងនាវាមុជទឹក ទាក់ទងនឹងអ្នកដែលនៅខាងលើបាននោះ គឺតាមរយ:ការផ្ញើសារខ្លីៗ នេះបើយោងតាមប្រភពពី BBC ។
ពាក់ព័ន្ធនៃដៃហ្គេមធម្មតាដែលគេបានអះអាងថា ជាឧបករណ៍បញ្ជានាវាមុជទឹក Titan នោះ គឺជារឿងពិតប្រាកដណាស់ ដោយយោងតាមវីដេអូមួយកាលពីខែកក្កដា ឆ្នាំ 2022 ដែលចាក់ផ្សាយដោយទូរទស្សន៍កាណាដា CBC ក៏បង្ហាញ Stockton Rush ជាCEO នៃក្រុមហ៊ុន OceanGate និងជាអ្នកបើកនាវា Titan បានឲ្យដឹងថា គាត់បានកាន់ដៃហ្គេម F710 សម្រាប់បញ្ជាចង្កូតនាវានោះហើយបាននិយាយថា ដៃហ្គេមនេះគឺវាដំណើរការអ្វីៗទាំងអស់ជាមួយនឹងឧបករណ៍បញ្ជាដៃហ្គេមទៅកាន់នាវានោះជាធម្មតា។
គូសបញ្ជាក់ផងដែរថា មកដល់ម៉ោងនេះ ក្រុមអ្នកសង្គ្រោះបានរកឃើញនូវសាកសពមនុស្សផ្នែកជើង ដែលត្រូវបាននាវានោះផ្ទុះ តែគេមិនទាន់បានសម្គាល់អត្តរសញ្ញាណថាជានរណាឲ្យប្រាកដនៅឡើយទេ៕
