អ្នកស្រាវជ្រាវនៅសាកលវិទ្យាល័យ Beijing Jiaotong ក្នុងប្រទេសចិន បានបង្កើត និងដាក់ឱ្យសាកល្បងបច្ចេកវិទ្យាថ្មីមួយ សម្រាប់អានចិត្តមនុស្ស ដើម្បីជួយអនុវត្តគោលនយោបាយក្នុងប្រទេចិន ក្នុងការលួចមើលរឿងអាសអាភាស នេះបើតាមការឱ្យដឹងរបស់កាសែត South China Morning Post ចេញផ្សាយដោយ Fossbyetes។
ប្រភពដដែលបានឱ្យដឹងថា ឧបករណ៍ដែលមានរូបរាងស្រដៀងនឹងមួកសុវត្ថិភាពនេះ អាចអានចិត្តរបស់មនុស្សដឹង តាមរយៈការកើនឡើងនៃលំនាំរលកខួរក្បាលរបស់មនុស្ស នៅពេលដែលនោះ គេអាចដឹងថាតើអ្នកដែលបានពាក់ឧបករណ៍អានចិត្តនេះ បានមើលរឿងអាសអាភាសដែរឬអត់។
គូសបញ្ជាក់ថាឧបរកណ៍នេះ នឹងយកមកប្រើប្រាស់ ជំនួយដល់គោលនយោបានកាត់បន្ថយការលួចមើលរឿងអាសអាភាសនៅក្នុងប្រទេសចិន។ ចុះសម្រាប់លោកអ្នកវិញ យល់ឃើញបែបណាដែរ ចំពោះបច្ចេកវិទ្យាមួយប្រភេទនេះ?
អត្ថបទដោយ៖ ផែន ផាន់ណា
