ស្របពេលជាមួយគ្នានេះដែរឧត្តមទេសរដ្ឋមន្រ្តីស៊ុន ចាន់ថុល ក៏បានឆ្លើយនូវសំណួរមួយ ដែលគេបានចោទសួរថា  តើយានយន្តដែលប្រើប្រាស់ប្រេងឥន្ធនៈ នឹងដាក់ឱ្យឈប់ប្រើប្រាស់ដែរឬទេពេលអនាគត?

សម្រាប់ចំណុចនេះឧត្តមទេសរដ្ឋមន្រ្តី ស៊ុន ចាន់ថុល ក៏បានបញ្ជាក់យ៉ាងច្បាស់ៗថា ក្រុមហ៊ុនផលិតយានយន្តនឹងលែងផលិតយាន យន្តដែលប្រើប្រេងឥន្ធនៈ ជាពិសេសបណ្តាប្រទេសនានានៅអឺរ៉ុបនឹងលែងផលិតយានយន្តប្រើប្រេងនៅឆ្នាំ២០៣៥ ហើយកម្ពុជាត្រូវរៀបចំខ្លួនឱ្យហើយក្នុងករណីគេលែងផលិតរថយន្តប្រើប្រេងឥន្ធនៈ។

សរុបមកបើតាមប្រសាសន៍របស់រដ្ឋមន្ត្រីក្រសួងសាធារណៈការ និងដឹកជញ្ជូន មានន័យថាអនាគតទាំងនៅកម្ពុជា និងនៅពិភពលោក នឹងលែងប្រើប្រាស់ឡានសាំងទៀតហើយ ព្រោះមូលហេតុរោងចក្រផលិតរថយន្ត លែងផលិតឡានសាំងតទៅទៀត ដូចនេះចង់ឬមិនចង់ គឺពិភពលោកនឹងងាកមកប្រើរថយន្តអគ្គិសនីជំនួសវិញ។

អត្ថបទដោយ៖ ផែន ផាន់ណា