ថ្មីៗនេះ ក្រុមហ៊ុន BYD បានបង្ហាញឡានស្ព័រស៊េរីថ្មីមួយគ្រឿងទៀតហើយ អស្ចារ្យមែនទែន ជាមួយនឹងបច្ចេកវិទ្យាថ្មីមិនធ្លាប់បានឃើញ រួមទាំងនឹងបូមដ៏ឆ្លាតវ៉ៃ ដោយអាចឲ្យឡានមានសមត្ថភាពខ្លាំង ទោះបីជាជិះរហូតដល់របូតកង់១ ក៏ដោយ ឡាននៅតែបើកទៅមុខធម្មតាដូចនៅក្នុងវិដេអូខាងក្រោមនេះអ៊ីចឹង។
យោងតាមប្រភពពី Carscoops បានឲ្យដឹងថា BYD ទើបបង្ហាញនូវឡានស្ព័រអគ្គិសនីថ្មី គឺ BYD Yangwang U9 ក្នុងកម្មវិធី Shanghai Auto Show នៅប្រទេសចិន។ ឡានអគ្គិសនីមួយនេះ BYD បានយកចិត្តទុកដាក់ខ្លាំងមែនទែន លើការបំពាក់បច្ចេកវិទ្យាទំនើបៗ ដូចជាប្រព័ន្ធ DiSus System ជាដើម ដែលជួយដល់ប្រព័ន្ធជើងក្រោមកាន់តែមានភាពរស់រវើក អាចបត់បែន ឡើងចុះបានមួយចប់ ជាពិសេស បើតាមការបង្ហាញពី BYD ផ្ទាល់ ឡាននេះទោះបីមាន កង់តែ ៣ ក៏អាចបើកបរធម្មតាដូចឡានមានកង់ ៤អ៊ីចឹង អស្ចារ្យខ្លាំងមែនទែន។
មួយវិញទៀត សូម្បីតែម៉ូទ័រអគ្គិសនីដែលបានបំពាក់លើ U9 គឺមានរហូតដល់ ៤ គ្រឿងឯណោះ ហើយសមត្ថភាពផលិតកម្លាំង គឺខ្លាំងជាង Tesla Roaster ទៅទៀត រហូតដល់ ១១០០សេះ ហើយចំពោះល្បឿនស្ទុះវិញ រយ:ពេលតែ ២វិនាទីនោះទេ U9 អាចស្ទុះពី0 ទៅ 100Km/h ស៊ីផុយ ។ ចំណែកឯសមត្ថភាពនៃការរត់ចម្ងាយវិញ សាកថ្មមួយពេញអាចរត់បាន ៧០០គម ឯណោះ៕
អត្ថបទដោយ៖ ព្រឹម ភក្តី
