ថ្មីៗនេះបើយោងតាមការចេញផ្សាយលើផេកផ្លូវការរបស់ Read With Me Cambodia បានឲ្យដឹងថាចាប់ផ្តើមពីថ្ងៃទី២២ ខែកុម្ភៈ រហូតដល់ថ្ងៃទី០៥ ខែមីនាឆ្នាំ២០២៣ នៅផ្សារទំនើបអូរឡាំព្យ៉ាពីម៉ោង៩ព្រឹក ដល់ម៉ោង១២យប់ នឹងមានរៀបចំកម្មវិធីពិព័រណ៍សៀវភៅដ៏ធំប្រចាំឆ្នាំរបស់ Big Bad Wolf Books ខណ:កម្មវិធីនេះ មានលក់សៀវភៅជាភាសាខ្មែរ និងអង់គ្លេសរាប់លានក្បាល ដោយមានបញ្ចុះតម្លៃពី ៥%រហូតដល់៩០%។
ប្រភពដដែលបានបន្តថា ក្នុងកម្មវិធីពិព័រណ៍សៀវភៅដ៏អស្ចារ្យនេះ ក្រុមការងាររៀបចំកម្មវិធី បានចូលរួមប្រមូលផ្តុំនូវសៀវភៅភាសាខ្មែររាប់ពាន់ចំណងជើង និងមានព្រឹត្តិការណ៍សំខាន់ៗ ដើម្បីបង្កើនចំណេះដឹងសម្រាប់អ្នកអាន ដូចជាកម្មវិធីជួបជាមួយអ្នកនិពន្ធ កម្មវិធីជួបជាមួយសប្បុរសជនសម្រាប់ការចែកសៀវភៅជូនដល់អ្នកអានដែលមានការខ្វះខាត កម្មវិធីជួបជាមួយអ្នកអានអាជីព និងកម្មវិធីកម្សាន្តផ្សេងៗ។ល។
អាស្រ័យហេតុនេះ សូមបងប្អូនទាំងអស់ដែលមានបំណងចង់ទិញសៀវភៅសម្រាប់អាន និងធ្វើជាការដូចសម្រាប់មនុស្សជាទីស្រឡាញ់ អាចអញ្ជើញទៅទិញដោយផ្ទាល់បាន។ បញ្ជាក់កម្មវិធីនេះគឺចូលរួមដោយសេរីនៅក្នុងផ្សារទំនើបអូរឡាំព្យ៉ា ពេលវេលាចាប់ផ្តើមពីថ្ងៃទី២២ ខែកុម្ភៈ រហូតដល់ថ្ងៃទី០៥ ខែមីនាឆ្នាំ២០២៣ ពីម៉ោង៩ព្រឹក ដល់ ម៉ោង១២យប់៕
អត្ថបទដោយ៖ ផែន ផាន់ណា
