នៅក្នុងការសិក្សា តាំងពីបឋមសិក្សា រហូតដល់ថ្នាក់សាកលវិទ្យាល័យ ភាគច្រើនគេមិនដែលរំលងការរៀនមុខវិទ្យាគណិតឡើយ។ គណិតវិទ្យាត្រូវបានគេស្គាល់ថាជាមេរៀនមួយ ដែលមិនងាយស្រួលរៀន និងត្រូវការការអត់ធ្មត់ យកចិត្តទុកដាក់ តាមដានខ្លាំង ទើបអាចរៀនចេះ។ ដើម្បីសម្រួលដល់សិស្ស ថ្ងៃនេះយើងសូមណែនាំ App ល្អៗចំនួន៣ អាចជួយដោះស្រាយលំហាត់គណិតវិទ្យាសឹងតែគ្រប់ទម្រង់៖
១. microsoft math solver : នេះគឺជា App បង្កើតឡើងដោយក្រុមហ៊ុន Microsoft និងមានសមត្ថភាពដោះស្រាយលំហាត់ក្នុងគណិតវិទ្យាផ្សេងៗ ដោយយើងគ្រាន់តែថតលំហាត់ឲ្យបានច្បាស់ល្អ និងមានរបៀបរៀបរយ នោះ App នេះនឹងដោះស្រាយ រួចផ្ដល់ចម្លើយឲ្យយើងបានមួយរំពេច។ ក្រៅពីផ្ដល់ចម្លើយ App នេះក៏បង្ហាញវីដេអូបង្រៀនមេរៀនស្រដៀងៗ លំហាត់ដែលយើងបានថត ឲ្យយើងបានរៀនបន្ថែមផងដែរ។
២. Photomath : ស្រដៀងគ្នាទៅនឹង App ខាងលើដែរ សម្រាប់ Photomath គឺអនុញ្ញាតឲ្យអ្នកទាំងអស់គ្នាដោះស្រាយលំហាត់គណិតវិទ្យាបាន ដោយគ្រាន់តែថតរូប នោះវានឹងយកលំហាត់នោះទៅបកស្រាយ នឹងចេញចម្លើយឲ្យយើងឃើញភ្លាមៗ។
៣. gauthmath-math-homework : គឺជា App មួយកំពុងពេញនិយម សម្រាប់អ្នករៀនគណិតវិទ្យាផងដែរ ព្រោះ App នេះមានសមត្ថភាពអាចដោះស្រាយរាល់លំហាត់គណិតវិទ្យា មិនថាពិបាក ឬស្រួលយ៉ាងណានោះទេ។ ងាយៗទេ សម្រាប់អ្នកចង់ដឹងចម្លើយលំហាត់ក្នុងគណិតវិទ្យាណាមួយ គ្រាន់តែថតរូបលំហាត់នោះភ្លាម វានឹងដោះស្រាយ បញ្ចេញចម្លើយឲ្យយើងបាន។
គូសបញ្ជាក់ថា យើងនៅតែលើកទឹកចិត្ត សិក្សឲ្យអនុញ្ញវត្តលំហាត់ដែលគ្រូបានដាក់ឲ្យ អស់ពីសមត្ថភាពសិន ចាំប្រើ App ទាំង៣ខាងលើណាមួយ ដើម្បីបញ្ជាក់ចម្លើយ ដោយជៀសវាងការខ្ជិល រួចយកចម្លើយចេញពី App ខាងលើយ មិនបានអនុវត្ត។ អាចទាយបាន ទាំងនៅលើ App Store និង Play Store៕
អត្ថបទដោយ៖ ផែន ផាន់ណា
