បច្ចេកវិទ្យាខ្មែរកាន់តែទំនើប ពោលគឺសូម្បីតែដំណើរការធ្វើអត្តសញ្ញាណប័ណ្ណថ្មី ក៏បងប្អូនប្រជាពលរដ្ឋអាចតាមដាន ឬពិនិត្យតាមរយ:ទូរស័ព្ទដៃបានផងដែរ។ App GDI eServices គឺត្រូវបានបង្កើតឡើងដោយនាយកដ្ឋានអត្តសញ្ញាណកម្ម សម្រាប់លោកអ្នកស្វែងរកអត្តសញ្ញាណប័ណ្ណ លិខិតឆ្លងដែន ឬឯងសារផ្សេងៗដែលបានបាត់។
ជាមួយគ្នានេះកម្មវិធី GDI eServices ក៏អាចជួយលោកអ្នកដើម្បីពិនិត្យមើលថាតើអត្តសញ្ញាណប័ណ្ណសញ្ជាតិខ្មែរ ដែលបានថតរួច ធ្វើហើយឬនៅ។ ក្រៅពីនេះ កម្មវិធី GDI eServices បានបញ្ចូលនូវព័ត៌មានជាច្រើនពាក់ព័ន្ធនឹងការផ្តល់សេវាអត្តសញ្ញាណកម្មគ្រប់ប្រភេទ។ លោកអ្នកអាចទាញយកកម្មវិធី GDI eServices ពីទូរស័ព្ទតាម ប្រព័ន្ធAndroid ឬ iOs រួចចុចចូលប៊ូតុង តាមដានពាក្យស្នើសុំ ហើយវាយលេខបង្កាន់ដៃចូល នោះព័ត៌មានអំពីអត្តសញ្ញាណប័ណ្ណបានដំណើរការ ឬបោះពុម្ពហើយ ឬមានបញ្ហាយ៉ាងណា ព្រមទាំងមានលេខរបស់មន្ត្រីទទួលបន្ទុក ដើម្បីទំនាក់ទំនងសាកសួរបន្ថែម។
