យោងតាមអត្ថបទមួយចេញផ្សាយដោយសារព័ត៌មាន Reuters កាលពីថ្ងៃទី ១៨ ខែកុម្ភៈ ឆ្នាំ ២០២២ បានឱ្យដឹងថារដ្ឋាភិបាលអាមេរិកបានធ្វើការដាក់បញ្ចូលគេហទំព័រប្រភេទ E-commerce របស់ ក្រុមហ៊ុនបច្ចេកវិទ្យាយក្សចិន Tencent និង Alibaba ចូលទៅក្នុងបញ្ជីរខ្មៅ។
បញ្ជីរខ្មៅរបស់អាមេរិកដែលដាក់បញ្ចូលក្រុមហ៊ុនយក្សពីរធំៗនោះ មានវេបសាយទីផ្សារអនឡាញចំនួន ៧៧ កន្លែង ដែលពាក់ព័ន្ធទៅនឹងការលក់ផលិតផលក្លែងក្លាយ និង បញ្ហាកម្មសិទ្ធបញ្ញា ដោយក្នុងនោះមានទាំង Alibaba Aliexpress Taobao ផង។
សម្រាប់ Alibaba លើកឡើងថាខ្លួននឹងបន្តធ្វើការយ៉ាងជិតស្និតជាមួយរដ្ឋាភិបាលអាមេរិក ដើម្បីដោះស្រាយលើបញ្ហា កម្មសិទ្ធបញ្ញានេះ លើគ្រប់ផ្លេតហ្វមរបស់ខ្លួន ខណៈ Tencent ឯណោះប្រកែកដាច់អហង្ការមិនយល់ស្របជាមួយនឹងការសម្រេចរបស់រដ្ឋាភិបាលអាមេរិកឡើយ។
