យោងតាមការបញ្ជាក់នៅលើផេកផ្លូវការរបស់កាសែតវៀតណាម On Sports បានបង្ហាញពីបច្ចេកវិទ្យាថ្មីក្នុងវិស័យព័ត៌មានកីឡា ដោយបានប្រើបច្ចេកវិទ្យាបញ្ញាសិប្បនិមិត្តិ ឬ AI ធ្វើជាពិធីករអត្ថាធិប្បាយបាល់ទាត់ ក្នុងជំនួបក្រុមជម្រើសជាតិថៃ និងវៀតណាម ប្រកបដោយជោជ័យ នៅព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើម្ចាស់ផ្ទះ។
ប្រភពខាងលើបានឲ្យដឹងថា “នេះគឺជាការសាកល្បងលើកទី១ហើយ ក្នុងការប្រើបច្ចេកវិទ្យា AI ធ្វើជា MC ស្រី និយាយអំពីបាល់ទាល់ ក្នុងកម្មវិធី mini game ដែលផ្សាយពីការប្រកួតរវាងក្រុមជម្រើសជាតិ U22 វៀតណាម ប៉ះជាមួយ U22 របស់ប្រទេសថៃ កាលពីថ្ងៃទី១១ ខែឧសភា ឆ្នាំ២០២៣ កន្លងទៅថ្មីៗនេះ នៅប្រទេសកម្ពុជា។"
គូសបញ្ជាក់ថា នេះគឺជាការសាល្បងលើកទី១ នៅលើ App On Plus របស់សារព័ត៌មានវៀតណាម ហើយពួកគេក៏សង្ឃឹមថាប្រជាជនវៀតចូលរួមគាំទ្រទៅលើការសាកល្បងនេះដែរ៕
ប្រភព៖ On Sports
អត្ថបទដោយ៖ ផែន ផាន់ណា
