ថ្មីៗនេះបើយោងតាមការចេញផ្សាយលើផេកផ្លូវការរបស់ធនាគារ ABA បានឲ្យដឹងថា បានសង្កេតឃើញមាន ការកើនឡើងនៃសកម្មភាពឆបោកនៅលើបណ្ដាញសង្គម និងកម្មវិធីឆាតផ្សេងៗដូចជា ហ្វេសប៊ុក និងតេឡេក្រាម។ ជនឆបោក អាចហែគ (hack) អាខោនកម្មវិធីឆាតរបស់អ្នកណាម្នាក់ ហើយប្រើអាខោននោះ ឆាតទាក់ទងទៅមិត្តភក្តិ ឬក្រុមគ្រួសារ ដើម្បីខ្ចីលុយ ឬឲ្យគេផ្ញើលុយឲ្យ។ ដើម្បីសុវត្ថិភាពរបស់លោកអ្នក យើងខ្ញុំបានរៀបចំអត្ថបទខ្លីមួយអំពីគន្លឹះការពារអាខោនបណ្ដាញសង្គម និងកម្មវិធីឆាតរបស់អ្នកឲ្យមានសុវត្ថិភាព។
សូមប្រយ័ត្ន នៅពេលមានគេស្នើឲ្យលោកអ្នក ផ្ទេរប្រាក់ទៅភាគីទីបី ឬជនណាម្នាក់ ដែលលោកអ្នកមិនធ្លាប់ស្គាល់ពីមុនមក។ សូមផ្ទៀងផ្ទាត់អត្តសញ្ញាណរបស់អ្នកផ្ញើសារ (ដែលប្រាប់លោកអ្នកឲ្យផ្ទេរប្រាក់) នោះ ឲ្យបានច្បាស់លាស់សិន មុននឹងយល់ព្រមធ្វើប្រតិបត្តិការផ្ទេរតាមធនាគារ។
