AI ត្រូវបានប្រើប្រាស់តាមវិធីផ្សេងៗគ្នា ចាប់ពីប្រភេទ generative tools ដូចជា ChatGPT និង Midjourney រហូតដល់កម្មវិធីប្រើប្រាស់ប្រចាំថ្ងៃដូចជាអាល់កូរីតរបស់ Google Maps និង Instagram។

ប្រសិនបើអ្នកមិនច្បាស់ថាតើ AI អាចមានប្រយោជន៍យ៉ាងពិតប្រាកដយ៉ាងដូចម្តេចនោះ សូមពិចារណាករណីប្រើប្រាស់ជាក់ស្តែងទាំងនេះដែលអាចបង្កើនផលិតភាព និងភាពច្នៃប្រឌិតរបស់អ្នក៖

ការសង្ខេបអត្ថបទ

Tool AI ដូចជា ChatGPT និង Gemini អាចសង្ខេបបណ្តុំអត្ថបទធំៗឱ្យទៅជាសេចក្តីសង្ខេបដែលងាយស្រួលយល់។

វិធីនេះអាចអនុវត្តបានចំពោះឯកសារ PDF អ៊ីមែល គេហទំព័រ និងកំណត់ត្រា។

ខណៈពេលដែលសេចក្តីសង្ខេបដែលបង្កើតដោយ AI ជាទូទៅមានភាពត្រឹមត្រូវ វាជាការល្អក្នុងការពិនិត្យព័ត៌មានសំខាន់ៗម្តងទៀតដោយសួរសំណួរបន្ថែម ឬស្នើសុំការដកស្រង់ពីអត្ថបទដើម។

ការសរសេរ និង សម្រួលអត្ថបទ

AI អាចជួយក្នុងការនិពន្ធឡើងវិញនូវមាតិកា ស្វែងរកពាក្យជំនួស ឬកែសម្រួលសំនៀងនៃអត្ថបទដែលមានស្រាប់។ ចូរគិតថា AI គឺជាវចនានុក្រមសទិសន័យ និងវចនានុក្រមដែលមានសមត្ថភាពខ្ពស់ដែលបំពេញបន្ថែមលើការសរសេររបស់អ្នក ជាជាងការជំនួសវា។

ដោយការដើរតួជាអ្នកកែសម្រួល អ្នកអាចធានាថាអត្ថបទដែលបានសរសេរឡើងវិញនៅតែរក្សាបាននូវអត្ថន័យដែលចង់បាន។

កាបំប្លែងសម្លេងជាអត្ថបទ

សេវាកម្មចម្លងសម្លេងជាអត្ថបទដែលដំណើរការដោយ AI អាចបំប្លែងសំឡេងនិយាយទៅជាអត្ថបទយ៉ាងឆាប់រហ័ស។

វាមានប្រយោជន៍សម្រាប់ការចម្លងការបង្រៀន កិច្ចប្រជុំ និងការសម្ភាសន៍។

កម្មវិធីដូចជា Google Recorder នៅលើទូរស័ព្ទ Pixel និង Voice Memos នៅលើ iOS 18 ក៏មានមុខងារចម្លងសម្លេងជាអត្ថបទផងដែរ។

ទោះបីជាមិនមានភាពល្អឥតខ្ចោះក៏ដោយ សេវាកម្មទាំងនេះកំពុងត្រូវបានកែលម្អ និងអាចសន្សំសំចៃពេលវេលាយ៉ាងច្រើន។

រកគំនិត

AI អាចជួយបង្កើតគំនិតថ្មីៗសម្រាប់គម្រោង ស្តាតអាប់ ប្រលោមលោក ទោះបីជាគំនិតដែលបង្កើតដោយ AI មិនមែនជារបស់ដើមពិតប្រាកដក៏ដោយ វាអាចបំផុសគំនិតអ្នកនិងនាំអ្នកទៅកាន់ទិសដៅថ្មី ដែលនឹងជួយបង្កើនភាពច្នៃប្រឌិតរបស់អ្នក។

ការវិភាគទិន្នន័យ

AI មានសមត្ថភាពល្អក្នុងការដំណើរការទិន្នន័យយ៉ាងច្រើនយ៉ាងឆាប់រហ័ស ដោយកំណត់អត្តសញ្ញាណលំនាំ និងទំនាក់ទំនង ដែលមនុស្សអាចមើលរំលង។

បច្ចេកវិទ្យានេះត្រូវបានប្រើប្រាស់ក្នុងការបង្កើនប្រសិទ្ធភាពនៃលំហូរចរាចរណ៍ ការបកស្រាយស្កេនវេជ្ជសាស្ត្រ និងផ្នែកផ្សេងទៀតដែលទាមទារការវិភាគទិន្នន័យទ្រង់ទ្រាយធំ។

ទោះបីជាអ្នកប្រហែលជាមិនប្រើប្រាស់កម្មវិធី AI ទាំងនេះដោយផ្ទាល់ក៏ដោយ ពួកវាអាចមានឥទ្ធិពលវិជ្ជមានលើជីវិតរបស់អ្នក ដូចជាការផ្តល់នូវការវិនិច្ឆ័យវេជ្ជសាស្ត្រកាន់តែត្រឹមត្រូវ ឬការកែលម្អប្រសិទ្ធភាពនៃការដឹកជញ្ជូនសាធារណៈ។

AI មិនមែនគ្រាន់តែជា algorithm នៃបណ្តាញសង្គមប៉ុណ្ណោះទេ វាមានសក្តានុពលក្នុងការរួមចំណែកវិជ្ជមានយ៉ាងសំខាន់ដល់សង្គម។

នៅថ្ងៃសៅរ៍ទី ១៧ ខែសីហា ឆ្នាំ ២០២៤ ខាងមុខនេះ ចាបខៀវមានវគ្គបង្រៀនប្រើប្រាស់ AI កម្រិតដំបូងសម្រាប់ការងារទូរទៅនិង អាជីវកម្ម ប្រសិនបើចាប់អារម្មណ៍អាចទំនាក់ទំនង Telegram នេះ៖ +85517788497