លែងបារម្ភទៀតហើយ មានលុយត្រឹមតែ ៧ពាន់ដុល្លារស្តើងក៏អាចទិញរថយន្តយកទៅប្រើប្រាស់បាន។ ឡានទាំង ៥ ប្រភេទនេះគឺសាកសមបំផុតសម្រាប់អ្នកទាំងអស់គ្នា ដែលមានថវិការរាងស្ដួចស្ដើង ហើយចង់បានឡានដែលមានគុណភាពល្អ ធន់ សម្បូរគ្រឿងបន្លាស់ ។
ក្នុងនោះមានដូចជា៖
- Toyota Camry ឆ្លាម៖ ប្រភេទមួយទឹកផលិតចាប់ពីឆ្នាំ ៩៧-២០០១ រថយន្តប្រភេទនេះគឺជារថយន្តដែលសាកសមបំផុតសម្រាប់បងប្អូនដែលត្រូវការប្រភេទរថយន្ត Sedan មានសមាជិកតិច វាមានសំទុះខ្លាំង ធន់និងសម្បូរគ្រឿងបន្លាស់ ។ វាមានតម្លៃចាប់ពី ៤ ពាន់ដុល្លា រហូតដល់ជាង ៧ ពាន់ តិចតួច ។
- Toyota Rav4៖ ប្រភេទមួយទឹកស្លាកលេខ ដែលផលិតចាប់ពីឆ្នាំ ៩៤-២០០០ ។ ហើយតម្លៃនៅលើទីផ្សារបច្ចុប្បន្នគឺវាមានតម្លៃខ្ទង់ ៣ ពាន់ក្រាស់ ទៅ ៤ ពាន់ក្រាស់។
- Toyota vitz៖ ប្រភេទមួយទឹកស្លាកលេខភាគច្រើននៅកម្ពុជា គឺគេប្រើប្រាស់ចាប់ពីឆ្នាំ ២០០៨ ហើយតម្លៃនៅលើទីផ្សារបច្ចុប្បន្ន គឺវាមានតម្លៃចាប់ពី ៧ ពាន់ដុល្លាជាង ទៅតាមភិនភាគឡានជាក់ស្ដែង។
- Lexus LX450៖ ជាប្រភេទរថយន្ត SUV ដែលមានកៅអី ៧ មានទាំងភាពធន់ រឹងមាំ ហើយភាគច្រើននៅកម្ពុជាគឺគេប្រើប្រាស់ឆ្នាំ ១៩៩៧ ។ ចំពោះតម្លៃទីផ្សារបច្ចុប្បន្នគឺមានតម្លៃចាប់ពី ៦ ពាន់ដុល្លា ទៅ ៧ ពាន់ដុល្លាជាងតិចតួចតាមស្ថានភាពឡានជាក់ស្ដែង ។
- Toyota 4Runner៖ ជាប្រភេទរថយន្ត SUV ដែលមានកម្លាំងខ្លាំង ហាប់ធន់ អាចប្រើប្រាស់ប្រចាំថ្ងៃក៏បាន ឬក៏ចុះចម្ការ ចុះព្រៃក៏បាន ។ នៅកម្ពុជាភាគច្រើនគេពេញនិយមជិះឆ្នាំ ៩៦-៩៧ ហើយតម្លៃរបស់វានៅលើទីផ្សារបច្ចុប្បន្នគឺមានតម្លៃចាប់ពី ៥ ពាន់ដុល្លាជាង ទៅ ៧ ពាន់ដុល្លា ។
គូសបញ្ជាក់ផងដែរថា ប្រសិនអ្នកទាំងអស់គ្នាចង់បានរថយន្តទាំងនេះយកទៅប្រើប្រាស់ អ្នកទាំងអស់គ្នាអាចស្វែងរកក្នុង App Khmer24 បាន។
ដោយក្នុងកម្មវិធីនោះមានរថយន្តទិញលក់ រថយន្តក្រដាសពន្ធ រថយន្តមួយទឹកជាច្រើនម៉ូដ ច្រើនជម្រើស និងសូមស្វែងរកហាងណាដែលអ្នកអាចទុកចិត្តបានចៀសវាងការបោកប្រាស់ណាមួយដែលអ្នកមិនបានយល់ច្បាស់ពីការលក់ ឬទិញរថយន្ត។
