កាលពីពេលថ្មីៗនេះ ម៉ូតូ Honda ADV160 ស៊េរី០២៣ ទើបតែចូលមកចរាចរណ៍នៅប្រទេសកម្ពុជាក្តៅៗ ជាមួយនឹងអេក្រង់កុងទ័រឌីជីថលថ្មីប្លែកជាងស៊េរីមុន ដោយឡែកសម្រាប់ម៉ូតូADV160 2023 នៅប្រទេសថៃ មានតម្លៃ ៩៩០០០បាត បើគិតជាលុយដុល្លារអាមេរិកជិត៣ពាន់ដុល្លារ។នេះបើយោងតាមប្រភពពី car.kapook.com ។
នៅប្រទេសថៃ ប្រជាជននៅទីនោះគឺនិយមខ្លាំងលើម៉ូតូ Honda ADV អាចនិយាយបានថា នៅខ្មែរមាន Honda DREAM នៅថៃមាន Honda ADV។ តួយ៉ាងចំពោះ ADV160 2023 ផ្នែកខាងមុខបានបំពាក់មកជាមួយនឹងអំពូល LED រាងអក្សរ L ភ្លោះ ឬគេហៅថា L-Shaped Twin Lamp អមនឹងអំពូលប្រដេញពេលថ្ងៃ Daytime Running Light ភ្លឺច្បាស់ល្អ បើធៀបនឹងចង្កៀងគុជឡានមិនចាញ់គ្នាឡើយ។
លើសពីនេះ គេក៏បានបំពាក់នូវរន្ធសាកថ្មទូរសព្ទប្រភេទ A នៅក្នុងឡតខាងឆ្វេង និងមានសោរជាប្រភេទ SmartKey និងមានបច្ចេកវិទ្យាបញ្ចេញសំឡេងរោច៍ Anti-theft system សម្រាប់ការពារម៉ូតូពីទឹកដៃចោរលួច។
មួយវិញទៀត Honda ADV 160 គឺមានម៉ាស៊ីន eSP+ ស៊ូប៉ាប់៤ ដែលអាចបង្កើតកម្លាំងបាន 156.9cc ដោយប្រើនូវប្រពន្ធប៊ិចសាំង PGM-FI ជំនាន់ចុងក្រោយ ចំណែកឯ ប្រព័ន្ធដំណើរការរបស់ម៉ូតូនេះដើរដោយលេខអូតូ ប្រើបច្ចេកវិទ្យា V-Matic Automatic ប្រើប្រាស់ប្រភេទសាំង E20 (E20 មានន័យថាការលាយផ្សំគ្នា ជាមួយល្បាយអេតាណុល ២០% និងសាំង៨០%)។
Honda ADV 160 2023 មានជម្រើស ៣ពណ៌ ប៉ុន្តែរសជាតិដូចគ្នាទេ គឺ ខ្មៅ ក្រហម និងប្រផេះ ។ គួរជំរាបផងដែរថា សម្រាប់តម្លៃលក់នៅប្រទេសថៃគឺខ្ទង់ ៩៩០០០បាត ឬស្មើនឹងជាង ២៨០០០ដុល្លារតែប៉ុណ្ណោះ៕
អត្ថបទដោយ៖ ព្រឹម ភក្តី
