១./ YouTube Audio Library គឺជាបណ្ណាល័យសំឡេងផ្លូវការរបស់ YouTube ដែលមានផ្ទុកនូវ តន្ត្រី (Music) និង បែបផែនសំឡេង (Sound Effects) រាប់ពាន់ប្រភេទ ដែលអ្នកអាចប្រើប្រាស់ក្នុងវីដេអូរបស់អ្នកដោយ មិនចាំបាច់បារម្ភពីបញ្ហាការរក្សាសិទ្ធិ (Copyright) ឡើយ។

របៀបប្រើប្រាស់ៈ

• ស្វែងរកបទភ្លេងដែលអ្នកពេញចិត្ត
• ចុចស្តាប់បទភ្លេងណាដែលអ្នកចង់បាន
• ចុចលើពាក្យ "ទាញយក" (Download) នៅចុងនៃជួរចម្រៀង ដើម្បីយកឯកសារភ្លេងនោះទៅប្រើក្នុងវីដេអូរបស់អ្នក
• រាល់ពេលទាញយក ត្រូវពិនិត្យមើលលក្ខខណ្ឌ "ត្រូវដាក់ប្រភព" ជានិច្ច (បើមិនដាក់ត្រូវតាមលក្ខខណ្ឌ វានឹងអាចជាប់ Copyright Claim វិញ)។

២./ NCS (NoCopyrightSounds)

NCS (NoCopyrightSounds) គឺជាស្លាកយីហោតន្ត្រី (Music Label) ដ៏ល្បីល្បាញបំផុតមួយនៅលើ YouTube ដែលផ្តល់ជូននូវ តន្ត្រីអេឡិចត្រូនិច (Electronic Music), Pop, និង Dubstep សម្រាប់អ្នកបង្កើតវីដេអូ (Content Creators) ឱ្យប្រើប្រាស់ដោយ មិនជាប់បញ្ហាការរក្សាសិទ្ធិ (Copyright Claim)។

របៀបប្រើប្រាស់ និងគោលការណ៍ប្រើប្រាស់ NCS ៖

• ស្វែងរកបទ: រកមើលបទចម្រៀងដែលអ្នកចូលចិត្តនៅលើ Channel YouTube ផ្លូវការរបស់ NoCopyrightSounds។
• ទាញយកបទ: ទាញយកឯកសារ MP3 ឬ WAV ពីតំណភ្ជាប់ (Link) ដែលគេបានផ្តល់ជូននៅក្នុងប្រអប់ Description វីដេអូរបស់គេ (ជារឿយៗនៅលើវេទិកា Stream/Download ដូចជា Spotify, SoundCloud, ឬគេហទំព័ររបស់គេផ្ទាល់)។

• បញ្ចូលក្នុងវីដេអូ: យកបទចម្រៀងនោះទៅបញ្ចូលក្នុងកម្មវិធីកាត់តវីដេអូរបស់អ្នក។
• ដាក់ប្រភព (Attribution គឺសំខាន់បំផុត): អ្នកត្រូវតែ ចម្លង (Copy) ព័ត៌មាន Description ទាំងមូលដែល NCS បានផ្តល់ជូនសម្រាប់បទចម្រៀងនោះ រួចយកទៅ បិទ (Paste) ក្នុង Description វីដេអូរបស់អ្នកទាំងស្រុង។

គូសបញ្ជាក់ផងដែរថា ដើម្បីធានាសុវត្ថិភាព Channel របស់អ្នក ត្រូវតែប្រើភ្លេងដែលមកពីប្រភពមានសុវត្ថិភាពដូចជា YouTube Audio Library ឬ NCS (ដោយគោរពតាមលក្ខខណ្ឌដាក់ Credit) និងចៀសវាងដាច់ខាត: ការប្រើប្រាស់ភ្លេងល្បីៗដែលមិនមានការអនុញ្ញាត។