មិនថាអ្នកប្រើទូរស័ព្ទឬកុំព្យូទ័រទេគឺសុទ្ធតែធ្លាប់ជួបហើយពោលគឺវេបសាយមួយចំនួនពេលដែលយើងចូលទៅមើវាតែងតែលោតមកឱ្យយើង Accepts Cookies ប៉ុន្តែអ្នកទាំងអស់គ្នាមានដឹងទេថាគេយក Cookies របស់យើងទៅដើម្បីអ្វី? ហើយសម្រាប់អ្នកវិញដែលផ្តល់វាទៅឱ្យគេអត់?
ជាក់ស្តែងមុននឹងឈានចូលទៅដល់ការបកស្រាយថាគេយកទិន្នន័យរបស់យើងឬក៏អត់ ថ្ងៃនេះ Technology Cambodia នឹងនាំអ្នកទាំងអស់គ្នាទៅស្គាល់អ្វីទៅជា Cookies ជាមុនសិន។
Cookies គឺជាហ្វាល់មួយប្រភេទដែលត្រូវបានបង្កើតឡើងដោយវេបសាយផ្ទាល់ ហើយនោះផងដែរនឹងត្រូវទាញចូលក្នុង Browser របស់យើងដោយស្វ័យប្រវត្តនៅពេលដែលយើងចូលវេបសាយនោះ លើសពីនេះទៅទៀត Cookies គឺវាអាចសម្គាល់ក៏ដូចជាតាមដានអ្នកចូលមើលលើកក្រោយៗដោយមិនតម្រូវឱ្យចុះឈ្មោះឬបំពេញអីទៀតទេ។
យ៉ាងណាមិញ Cookies ដែលត្រូវបានសរសេរដោយវេបសាយមួយចំនួនក៏អាចតាមដានពីសកម្មភាពនៃការប្រើប្រាស់អិនធឺណេតរបស់អ្នកដោយមិនចាំបាច់សុំការអនុញ្ញាតពីយើងក៏បានដែរ ហើយភាគច្រើនមានចំពោះវេបសាយប្រភេទ Online Ads Network ជាដើម។
ដូច្នេះពេលដែលវាលោតឱ្យយើងជ្រើសរើស តើយើងគួររើស Agree ឬ Disagree ?
មែនទែនទៅវាគឺជាជម្រើសរបស់យើងម៉្យាងទៀតសម្រាប់វេបសាយបច្ចុប្បន្នគឺមានច្បាប់ក្នុងការប្រម៉ូលយកទិន្នន័យរបស់អ្នកប្រើប្រាស់ពោលគឺអាស្រ័យលើអ្នកអាចផ្តល់អ្វីដល់គេបាន។ ប៉ុន្តែយើងក៏គួរពិនិត្យឱ្យបានច្បាស់ផងដែរមុនពេលដែលចុចលើពាក្យ Agree ។
អត្ថបទដោយ៖ រិន មករា
