បើតាមលោក Borapyn Py ប្រធានផ្នែកវិនិយោគប្រចំាក្រុមហ៊ុន Z1 Financial បានប្រាប់ក្រុមការងារ Technology Cambodia នៅក្នុងបទសម្ភាសន៍យ៉ាងដូច្នេះថា Blockchain មកពីពាក្យថា Block ដែលមានន័យថា បណ្ដុំ និងពាក្យថា Chain ដែលមានន័យថា ខ្សែរច្រវ៉ាក់តភ្ជាប់បណ្ដុះទិន្នន័យ ពោលគឺ Blockchain គឺជាបណ្ដុំព័ត៌មានដែលដំណើរការនៅលើអ៊ីនធឺណិត នៅលើផ្លែតហ្វមណាមួយ។ ហើយផ្លែតហ្វមទាំងអស់នោះជាផ្លែតហ្វមទម្រង់វិមជ្ឈការ (Decentralization) ឬនិយាយឱ្យងាយយល់គឺមិនចាំបាច់ឆ្លងភ្នាក់ងារកណ្ដាល។

ឧទារហណ៍ ប្រសិនបើអ្នកផ្ញើលុយពីទៅបងប្អូនមិត្តិភក្ដិចំនួន១០០ដុល្លារ តាមផ្លែតហ្វមធនាគារក្នុងស្រុកណាមួយ នោះប្រតិបត្តិការណ៍ ១០០ដុល្លារ និងត្រូវឆ្លងកាត់ធនាគារដែលជាភ្នាក់ងារកណ្ដាល ហើយសម្រាប់ប្រតិបត្តិការ១០០ដុល្លារ នោះដ៏ដដែល នឹងត្រូវបានរក្សាទុក ក៏ដូចជាអាចគ្រប់គ្រងកែប្រែបានដោយខាងធនាគារប្រសិនបើមានបញ្ហាចាំបាច់ណាមួយដែលត្រូវឆែកដោយស្របទៅតាមច្បាប់។

ដោយឡែក សម្រាប់ការទូទាត់តាមរយៈផ្លែតហ្វម Blockchain ដែលមានទម្រង់ជា Decentralization វិញ អ្នកអាចផ្ញើលុយ ១០០ដុល្លារនោះ ទៅមិត្តភក្ដិបងប្អូនបាន ដោយត្រង់ មិនចាំបាច់ឆ្លងកាត់ភាគគីទី៣ ឬនិយាយឱ្យងាយយល់គឺមិនបាច់ឆ្លងកាត់ធនាគារដែលជាភ្នាក់ងារកណ្ដលនោះទេ។ ហើយសម្រាប់ប្រតិបត្តិការណ៍លុយទាំងអស់ គឺត្រូវបានធ្វើឡើងដោយសុវត្ថិភាព និងមានឯកជនភាពខ្ពស់ ពោលគឺគ្រប់ប្រតិបត្តិការណ៍ទាំងអស់គឺដឹងតែពីរភាគី គឺភាគគីអ្នកផ្ញើ និងអ្នកទទួល។ ដោយឡែកសម្រាប់អ្នកផ្សេងដែលចូលទៅមើលទិន្នន័យប្រតិបត្តិការណ៍នោះ នឹងមើលឃើញតែតួលេខលុយដែលបានផ្ញើ និងលេខកូដតំណាងឱ្យមនុស្ស ប៉ុន្ដែមិនដឹងថា នរណាជាអ្នកផ្ញើលុយនោះទេ។

ជាមួយគ្នានេះដែរ លោក Borapyn Py បានបន្ថែមទៀតថា បច្ចេកវិទ្យា Blockchain មានសុត្ថិភាពខ្ពស់ ដោយសារតែ Blockchain គឺជាបច្ចេកវិទ្យាមួយ ដែលមានបណ្ដុំព័ត៌មាន ចងជាប្លុកៗជាច្រាប់រាប់មិនអស់។ ហើយដោយសារតែមានបណ្ដុំព័ត៌មានច្រើនដូច្នេះ ជាហេតុធ្វើឱ្យមានភាពស្មុគស្មាញ និងត្រូវចំណាយពេលច្រើនទម្រាំតែក្រុមហេកឃ័រអាចបំបែកទិន្នន័យហេកចូលបាន។ ដោយហេតុនេះហើយទើបបានជា Blockchain ជាបច្ចេកវិទ្យាចុងក្រោយដែលមានសុវត្ថិភាពខ្ពស់ អាចឱ្យគេយកបច្ចេកវិទ្យានេះ ទៅប្រើក្នុងវិស័យហិរញ្ញវត្ថុបាន៕