យោងតាមការចុះផ្សាយនៅលើគេហទំព័រ TechCrunch បានប្រាប់ឲ្យដឹងថា TikTok បានសម្រេចព្រមព្រៀងផ្ទេរការគ្រប់គ្រងអាជីវកម្មភាគច្រើននៅសហរដ្ឋអាមេរិក ទៅឱ្យក្រុមវិនិយោគិនអាមេរិក ដើម្បីបញ្ចប់ជម្លោះផ្លូវច្បាប់ដ៏រ៉ាំរ៉ៃជាមួយរដ្ឋាភិបាលសហព័ន្ធ។ ក្រុមហ៊ុនថ្មីដែលត្រូវបានបង្កើតឡើងមានឈ្មោះថា “TikTok USDS Joint Venture LLC” ដែលនឹងត្រូវគ្រប់គ្រងលើការងារសំខាន់ៗដូចជា សន្តិសុខទិន្នន័យ និងក្បួនដោះស្រាយ (Algorithm)។
ចំណុចសំខាន់ៗនៃកិច្ចព្រមព្រៀង៖
- រចនាសម្ព័ន្ធម្ចាស់ភាគហ៊ុនថ្មី៖
- ក្រុមវិនិយោគិន (Oracle, Silverlake, និង MGX): កាន់កាប់ភាគហ៊ុន 45%។
- ក្រុមហ៊ុន ByteDance (ក្រុមហ៊ុនមេ): រក្សាទុកភាគហ៊ុនជិត 20%។
- តួនាទីរបស់ក្រុមហ៊ុន Oracle: នឹងក្លាយជា «ដៃគូសន្តិសុខដែលគួរឱ្យទុកចិត្ត» ដោយទទួលបន្ទុកសវនកម្ម និងធានាថា TikTok អនុវត្តតាមបទដ្ឋានសន្តិសុខជាតិរបស់អាមេរិក។
- ការគ្រប់គ្រង៖ អង្គភាពថ្មីនេះនឹងមើលការខុសត្រូវលើ ការការពារទិន្នន័យ, សន្តិសុខក្បួនដោះស្រាយ (Algorithm), ការត្រួតពិនិត្យខ្លឹមសារ (Content Moderation) និងការធានាផ្នែកសូហ្វវែរ។
- កាលបរិច្ឆេទបញ្ចប់កិច្ចព្រមព្រៀង៖ គ្រោងនឹងបញ្ចប់ជាស្ថាពរនៅថ្ងៃទី ២២ ខែមករា ឆ្នាំ២០២៦។
ការសម្រេចចិត្តនេះធ្វើឡើងតាមបទបញ្ជាប្រតិបត្តិរបស់ប្រធានាធិបតី ដូណាល់ ត្រាំ កាលពីខែកញ្ញា ដែលតម្រូវឱ្យ ByteDance លក់អាជីវកម្ម TikTok នៅអាមេរិកចេញពីការគ្រប់គ្រងរបស់ក្រុមហ៊ុនចិន ដោយសារកង្វល់ផ្នែក «សន្តិសុខជាតិ»។ កន្លងមក ByteDance តែងតែរក្សាការសម្ងាត់ ប៉ុន្តែពេលនេះបានយល់ព្រមអនុវត្តតាមច្បាប់អាមេរិកដើម្បីឱ្យកម្មវិធីនេះអាចបន្តដំណើរការបានសម្រាប់អ្នកប្រើប្រាស់នៅក្នុងប្រទេសនេះ។
