ជាក់ស្តែងបើតាមបទសម្ភាសន៍រវាងក្រុមការងារចាបខៀវ​ Technology Cambodia ជាមួយនឹងលោក Chou Chenda ដែលជាអគ្គនាយក ក្រុមហ៊ុន Tech Zone នឹងជាម្ចាស់ហាង Mi Home ជាច្រើនសាខាទៀតបានរៀបរាប់ថា ចំពោះ Tech Zone គឺត្រូវបានបង្កើតឡើងតាំងពីឆ្នាំ2015 មកម្លេះ ដែលដំបូងឡើយវាគ្រាន់តែជាហាងតូចមួយប៉ុណ្នោះ លើសពីនេះទៅទៀតហាងមួយនេះ កាលពីចាប់ផ្តើមដំបូងគឺលោកបាន​សុំកន្លែងមិត្តភ័ក្តិដើម្បីដាក់ទំនិញលក់។

យ៉ាងណាមិញលោក Chou Chenda គឺជាអតីតនិស្សិតផ្នែក Rural Engineering ប៉ុន្តែដោយសារតែការស្រលាញ់​និងចូលចិត្តផ្នែកបច្ចេកវិទ្យាលោកក៏សម្រេចចិត្តសុំកន្លែងមិត្តភ័ក្កិដើម្បីបើកហាងលក់គ្រឿងអេឡិចត្រូនិចតូចមួយ ដោយពេលនោះលោកបាននាំចូលទំនិញតែបីមុខប៉ុណ្ណោះគឺ Power Bank, Speaker, និង កាស មួយចំនួនទទៀតដើម្បីដាក់លក់នៅលើទីផ្សា។

លោកបានបន្ថែមថាចំពោះហាង Tech Zone គឺចាប់ផ្តើមឡើងជាមួយនឹងទុន 1000ដុល្លារ ដែលពេលនោះដោយសារហាងនៅតូចផង លោកបានដើរតួជាបុគ្គលិកផង អ្នកកាន់ស្តុកផង អ្នកដឹកផងពោលគឺមួយចប់ ហើយមកទល់ពេលបច្ចុប្បន្ននេះ ចំពោះហាង Tech Zone ផ្ទាល់ គឺមានចំនួន 3សាខា​និងមានទំនិញជាង 200មុខ។

សម្រាប់ហាង Mi Authorized Store គឺមានរហូតដល់ 6 សាខាបន្ថែមទៀត ដោយហាងនេះគឺខាងក្រុមហ៊ុន Xiaomi បានសហការជាមួយនឹងលោកផ្ទាល់ដើម្បីដាក់លក់ទំនិញរបស់ Xiaomi រាប់រយមុខទៀតនៅក្នុងប្រទេសកម្ពុជា។

ចុងក្រោយលោកក៏បាន​បញ្ជាក់ផងដែរថា ដើម្បីរកស៊ីបានជោគជ័យយើងត្រូវ​ យល់ពីទំនិញឬអ្វីដែលយើងកំពុុងធ្វើឱ្យច្បាស់​ ត្រូវចេះបង្កើនទំនុកចិត្តនិងភាពស្មោះត្រង់ជាមួយអតិថិជន ជាពិសសេសគឺបម្រើសេវាកម្មឱ្យល្អដល់អតិថិជន។

ដូច្នេះប្រសិនបើអ្នកចូលចិត្តឧបករណ៍ប្រើប្រាស់​អេឡិចត្រូនិចថ្មីៗ ប្លែកៗ ជាពិសេសរបស់របរប្រើប្រាស់ក្នុងផ្ទះ​ទំនើបៗផ្សេងៗ អាចសម្លឹងមើលហាង Tech-Zone ក៏ដូចជាហាង​ Mi Home ជាច្រើនសាខាទៀត។

អត្ថបទដោយ៖ រិន មករា