Copyright គឺជាទម្រង់ច្បាប់ដែលផ្តល់ឱ្យអ្នកបង្កើតនូវ សិទ្ធិស្របច្បាប់ផ្តាច់មុខ ក្នុងការគ្រប់គ្រង និងប្រើប្រាស់ស្នាដៃច្នៃប្រឌិតដើមរបស់ពួកគេសម្រាប់រយៈពេលកំណត់មួយ។ ស្នាដៃទាំងនេះរួមបញ្ចូលទាំងស្នាដៃអក្សរសាស្ត្រ សិល្បៈ តន្ត្រី កម្មវិធីកុំព្យូទ័រ និងខ្សែភាពយន្តជាដើម។
១./ YouTube Audio Library
បណ្ណាល័យសំឡេង YouTube (YouTube Audio Library) គឺជាប្រភពផ្ទុកបទភ្លេង និងបែបផែនសំឡេង (Sound Effects) ដ៏ធំមួយ ដែលផ្តល់ជូនពីក្រុមហ៊ុន YouTube ផ្ទាល់។
របៀបប្រើប្រាស់ៈ
- ស្វែងរកបទភ្លេងដែលអ្នកពេញចិត្ត
- ចុចស្តាប់បទភ្លេងណាដែលអ្នកចង់បាន
- ចុចលើពាក្យ "ទាញយក" (Download) នៅចុងជួរ ដើម្បីយកឯកសារភ្លេងនោះទៅប្រើក្នុងវីដេអូរបស់អ្នក
- រាល់ពេលទាញយក ត្រូវពិនិត្យមើលលក្ខខណ្ឌ "ត្រូវដាក់ប្រភព" ជានិច្ច (បើមិនដាក់ត្រូវតាមលក្ខខណ្ឌ វានឹងអាចជាប់ Copyright Claim វិញ)។
២./ NCS (NoCopyrightSounds) គឺជាជម្រើសដ៏ពេញនិយមមួយសម្រាប់អ្នកបង្កើតមាតិកា (Creators) នៅលើ YouTube និង Twitch។ NCS គឺជាស្លាកសញ្ញាផលិតកម្មតន្ត្រី (Record Label) ដែលជំនាញខាងចេញផ្សាយតន្ត្រីប្រភេទ Electronic Dance Music (EDM) និងតន្ត្រីអេឡិចត្រូនិកផ្សេងទៀត។
របៀបប្រើប្រាស់ និងគោលការណ៍ប្រើប្រាស់ NCS ៖
- ត្រូវតែដាក់ប្រភព: អ្នកត្រូវតែផ្តល់ Credit ដល់បទចម្រៀង និងសិល្បករ។
- ចម្លង Credit: ចម្លងអត្ថបទ Credit ពេញលេញ (ឈ្មោះបទ, សិល្បករ, Link) ពីវីដេអូដើមរបស់ NCS។
- បិទភ្ជាប់ក្នុង Description: បិទភ្ជាប់អត្ថបទនោះចូលក្នុងប្រអប់ Description នៃវីដេអូរបស់អ្នក។
គូសបញ្ជាក់ផងដែរថា ដើម្បីធានាសុវត្ថិភាព Channel របស់អ្នក ត្រូវតែប្រើភ្លេងដែលមកពីប្រភពមានសុវត្ថិភាពដូចជា YouTube Audio Library ឬ NCS (ដោយគោរពតាមលក្ខខណ្ឌដាក់ Credit) និងចៀសវាងដាច់ខាត: ការប្រើប្រាស់ភ្លេងល្បីៗដែលមិនមានការអនុញ្ញាត។
