តាំងតែពី Apple បានបញ្ចេញទូរស័ព្ទក្បាលឆក iPhone X តាំងពីឆ្នាំ2017មកគឺគេបានដកមុខងារបង្ហាញភាគរយដែលជាប់មួយនឹងថ្មក្រវាត់ចោលតែម្តងដោយឱ្យអ្នកប្រើប្រាស់យកដៃទាញអូសពីក្បាលអេក្រង់ផ្នែកខាងលើចុះមកក្រោមទើបឃើញភាគរយថ្ម។
ដោយឡែកថ្មីៗនេះបើតាមការចុះផ្សាយរបស់ cnbc បានឱ្យដឹងថាក្នុងកំណែទម្រង់នៃការអាប់ឌែតថ្មី Beta ជំនាន់ទី5ទៅលើ iOS 16 គឺបានដាក់មុខងារបង្ហាញភាគរយថ្មជាប់នឹង icon ថ្មតែម្តងពោលគឺយើងមិនចំបាច់អូសចុះឡើងទៀតទេ។
ប្រភពដដែលក៏បានបន្តថាសម្រាប់មុខងារមួយនេះនៅពេលបច្ចុប្បន្នគឺមានតែនៅលើ Developer និង iOS 16 beta version ដែលគេបានដាក់ឱ្យទាញយកដើម្បីប្រើប្រាស់សាកល្បងតែប៉ុណ្ណោះ ហើយសម្រាប់ iOS 16 ពេញលេញគឺអាចនឹងចេញជាមួយ iPhone 14 នៅខែក្រោយនេះហើយ។
យ៉ាងណាមិញប្រសិនបើអ្នកទាំងអស់គ្នាចង់បានមុខងារបង្ហាញភាគរយថ្មនៅជាប់ជាមួយនឹង icon ថ្មតែម្តងគឺត្រូវចូលទៅទាញយក iOS 16 developer beta យកមកប្រើទើបអាចចូលទៅបើកមុខងារនោះបាន។
អត្ថបទដោយ៖ រិន មករា
