ហើយខាងក្រោមនេះខ្ញុំសូមលើកយកមូលហេតុមួយចំនួនដោយផ្តោតទៅលើ iPhone  ថាតើមូលហេតុអ្វីបានជាការបញ្ចូលថ្មមានសភាពយឺតខុសពីរាល់ដង។

កុំប្រើឆ្នាំងសាកចាស់ទៀត

ចំពោះមូលហេតុទីមួយខ្ញុំជឿថាអ្នកទាំងអស់គ្នាប្រាកដជាបានដឹងហើយ ព្រោះវាជាជម្រើសដ៏ល្អបំផុតក្នុងការធ្វើឲ្យល្បឿននៃការបញ្ចូលថ្មលឿន ដូចជាការប្រើប្រាស់ជាមួយនឹងដុំសាក 20W ជាដើម អមជាមួយនឹងខ្សែសាកប្រភេទ​ USB-C ទៅ Lightning Cable គឺវាអាចជួយបង្កើនល្បឿននៃការបញ្ចូលថ្មរបស់អ្នកមួយកម្រិតដែរ។

ផ្អាកប្រើសិន

ប្រសិនបើអ្នកចង់ឲ្យទូរស័ព្ទ iPhone របស់អ្នកបញ្ចូលថ្មចូលលឿនអ្នកគួរតែផ្អាកប្រើប្រាស់សិនរាល់ពេលដាក់បញ្ចូលថ្ម ព្រោះថាប្រសិនបើយើងបញ្ចូលថ្មផង មើលវីដេអូផង លេងហ្គេមផង នោះវាធ្វើឲ្យល្បឿននៃការបញ្ចូលកាន់តែយឺត មានសភាពក្តៅ មិនតែប៉ុណ្ណោះវាអាចបង្កបញ្ហាដល់គុណភាពថ្មផងដែរ។

បិទមុខងារមួយចំនួនក្នុង Setting

Clean Energy

ប្រសិនបើអ្នកទាំងអស់គ្នាបានធ្វើការអាប់ឌែតឡើងដល់ iOS 16.1 គឺប្រាកដជាបានឃើញហើយនូវមុខងារមួយឈ្មោះថា Clean Energy ដោយវាមានតួនាទីក្នុងការជួយកាត់បន្ថយសារធាតុកាបូន នៅលើផែនដី តាមរយៈការបញ្ចូលថាមពលអគ្គិសនីចូលក្នុងទូរស័ព្ទរបស់យើង។ ប៉ុន្តែសម្រាប់មុខងារមួយនេះគឺមិនទាន់មាននៅក្នុងស្រុកយើងនោះទេ​ទោះជាយើងបើកឬបិទក៏អត់មានបញ្ហាអីដែរ។

ចុងក្រោយគឺអ្នកអាចចូលចូលទៅដំណើរការមុខងារទាំងអស់នេះបានដូចជា Low Power Mode, Dark Mode, Low Brightness ជាដើម ព្រោះវាមិនត្រឹមតែអាចជួយធ្វើឲ្យការសាកថ្មមានល្បឿនលឿននោះទេពោលគឺវាអាចជួយរក្សាថាមពលថ្មថែមទៀតផង ព្រោះមុខងារទាំងនេះគឺអាចបន្ថយពន្លឺនៅលើអេក្រង់ ឬបង្កកសកម្មភាពផ្សេងៗដូចជាRefresh Background App ជាដើម

អត្ថបទដោយ៖ រិន មករា