យ៉ាងណាមិញបើទោះបីជាក្រុមហ៊ុនយក្សមួយនេះមិនទាន់​រុញត្រកូល iPhone ទៅជាស្មាតហ្វូនដែលមានអេក្រង់បត់ក៏ដោយ ប៉ុន្តែបើយោងទៅតាមគណនី YouTube ជនជាតិចិនម្នាក់បានធ្វើការបង្កើត iPhone អេក្រង់បត់ដោយបានយកគ្រឿងផ្សេងៗមកផ្គុំចូលគ្នា ដោយក្នុងនោះយើងឃើញថា​មានគ្រឿងក្នុងរបស់ iPhone ជាមួយនឹងផ្នែកខ្លះរបស់ Motorola Razr ។

នៅក្នុងវីដេអូនោះគេក៏បានបង្ហាញបន្ថែមពីដំណើរការនៃការបង្កើត ដោយគេបានយកគ្រឿងក្នុងរបស់ iPhone X ទៅផ្គុំគ្នាជាមួយនឹងទូរស័ព្ទ Motorola Razr ដែលវាមានត្រចៀកអាចបត់បាន​។ លើសពីនេះទៀតចំពោះដំណើរការមួយនេះវាមិនមែនជារឿងងាយស្រួលទេ​ ដោយគេបានចំណាយពេលរហូតដល់ទៅជាង200ថ្ងៃឯណោះ ហើយចំពោះអេក្រង់វិញក៏មិនមែនចំណាយអស់តិចដែរ ពោលគឺមិនតិចជាង 37ប្រភេទផ្សេងៗគ្នាទេ ដែលភាគច្រើនអេក្រង់ទាំងអស់នោះពេលដែលគេគាស់ចេញមកគឺមានការបែកបាក់និងខូចជាដើម។

ចុងក្រោយបន្ទាប់ពីគេបានផ្គុំគ្រឿងវាចូលគ្នារួចរាល់គេបានដាក់ឈ្មោះវាថា iPhone V ហើយដំណើរការទៅដោយ iOS ប៉ុន្តែចំពោះអេក្រង់របស់វាវិញគឺបត់បានតែពាក់កណ្តាលតែប៉ុណ្ណោះ គេមិនអាចធ្វើឱ្យវាបត់បានជិតដូចនឹងទូរស័ព្ទបត់មួយចំនួនទេ ដូចជា Galaxy Z Flip ជាដើម។

គូសបញ្ជាក់ផងដែរថា Apple ក៏មានគម្រោងផលិតឧបករណ៍៍ប្រើប្រាស់ដែលមានអេក្រង់បត់ដូចជាប្រភេទ Notebook, និង Tablet ជាដើមនៅក្នុងឆ្នាំ2024។

អត្ថបទដោយ៖ រិន មករា