យោងតាមសារព័ត៌មាន TechCrunch ចុះផ្សាយនៅថ្ងៃទី១៩ ខែតុលា ឆ្នាំ២០២៦ លោក Elon Musk នាយកប្រតិបត្តិក្រុមហ៊ុន SpaceX បានសរសេរលើបណ្តាញសង្គម X ថា «នៅឆ្នាំក្រោយ ខ្ញុំនឹងផ្តល់ភាគហ៊ុន SpaceX របស់ខ្ញុំមួយភាគហ៊ុនដល់កុមារគ្រប់រូបនៅអាមេរិក»។ លោកបានបន្ថែមថា នេះនឹងក្លាយជាការចាប់ផ្តើមនៃការផ្តល់អំណោយជាច្រើនទៀតនាពេលអនាគត។
បើគិតតាមការប៉ាន់ស្មានដែលលើកឡើងក្នុងរបាយការណ៍ ប្រសិនបើកុមារប្រមាណ ៧២ លាននាក់នៅសហរដ្ឋអាមេរិកទទួលបានភាគហ៊ុនម្នាក់មួយ ហើយភាគហ៊ុនមួយមានតម្លៃប្រហែល ១៤៦ ដុល្លារ នោះតម្លៃសរុបអាចឡើងដល់ប្រមាណ ១០,៥ ពាន់លានដុល្លារ។ ទោះជាយ៉ាងណា តម្លៃនេះគ្រាន់តែជាការប៉ាន់ស្មានប៉ុណ្ណោះ ហើយអាចប្រែប្រួលតាមតម្លៃភាគហ៊ុនជាក់ស្តែង។
គួរបញ្ជាក់ថា នេះជាការសន្យាសម្រាប់អនាគត មិនមែនមានន័យថា ភាគហ៊ុនត្រូវបានចែកជូនរួចហើយនោះទេ។ រហូតមកដល់ពេលនេះ ព័ត៌មានលម្អិតអំពីលក្ខខណ្ឌអ្នកទទួល និងនីតិវិធីផ្ទេរភាគហ៊ុនមិនទាន់ត្រូវបានបញ្ជាក់ច្បាស់លាស់នៅឡើយទេ។
