កាលពីពេលថ្មីៗនេះ នៅក្នុងភ្លែតហ្វម Pinterest មានការភ្ញាក់ផ្អើលយ៉ាងខ្លាំងទៅរថយន្ត Ferreri SR90 ពណ៌ខ្មៅ កៅអីបែបស្ព័រ ពណ៌ក្រហម អមជាមួយនឹងយ៉ាន់កង់ពណ៌មៅផ្សំឡើងចេញពីសរសៃកាបូនហ្វាយបឺរ របស់ក្រុមហ៊ុន Strasse Wheels ដែលមានតម្លៃ ៥៣០០ដុល្លារ ក្នុង ១ គ្រាប់តែប៉ុណ្ណោះ ។
បើយោងតាមការចុះផ្សាយពីគេហទំព័រ CARBUZZ បានឲ្យដឹងថា ក្រុមហ៊ុន Strasse Wheel បានបង្ហាញនូវយ៉ាន់កង់ថ្មី តម្លៃ ៥៣០០ដុល្លារ ក្នុង១ គ្រាប់ ដែលមានចាប់ទំហំ ១៨អ៊ីញ ដល់ ២៣អ៊ីញ មានទម្ងន់ស្រាល ដោយសារតែវាត្រូវបានផលិតចេញពីសរសៃកាបូនហ្វាយបឺរ និងលោហ:ធាតុអាលុយមីញ៉ូម forged aerospace-grade aluminum 6061-T6 ស្រដៀងដូចទៅនឹងផ្ទៃខាងក្រោយរបស់ iPhoneផងដែរ ។
ដោយឡែកប្រភេទយ៉ាន់កង់នេះត្រូវបានគេដាក់ឈ្មោះថា UltraLight Carbon S5 RS ដែលវាចំណុចពិសេសស្រាលជាង ៣៥% ជាងពពួកយ៉ាន់កង់ធ្វើចេញពីអាលុយមីញ៉ូមធម្មតា ។
យ៉ាងណាមិញ រថយន្តដែលទំនើប ប្រភេទ Supercar ដូចជា Ferreri SR90 ចាំបាច់ណាស់ត្រូវការយ៉ាន់ដែលល្អសាកសមនឹងរថយន្តរត់ល្បឿន និងទាន់សម័យ ជាពិសេសយ៉ាន់កង់នេះតែម្តង វាមិនត្រឹមតែរូបរាងស្រស់ស្អាតតែមួយមុខនោះទេ វាមានសមត្ថភាពជាច្រើនដូចជា ជួយដល់ការគ្រប់គ្រងលំនឹងកង់ ជួយដល់ការបង្កើនល្បឿន ។ល។
គួរបញ្ជាក់ផងដែរថា សូម្បីតែ ក្រុមហ៊ុន Ford ក៏កំពុងតែរៀបចំបំពាក់យ៉ាន់កង់ជាប្រភេទសរសៃកាបូនហ្វាយបឺរ ទៅលើរថយន្តប្រើកម្លាំងអូសខ្លាំង ដូចជា Pickup និង SUV ជាដើម ៕
អត្ថបទដោយ៖ ព្រឹម ភក្តី
