បច្ចុប្បន្ននេះក្រុមហ៊ុនទូរស័ព្ទធំៗនៅលើលោកកំពុងតែមានការប្រកួតប្រជែងគ្នាខ្លាំងទៅលើការអាប់ឌែតថ្មីនៃផលិតផលរបស់ខ្លួន ជាក់ស្តែងយើងឃើញថាក្រុមហ៊ុន Apple និង Samsung ក៏កំពុងតែប្រជែងគ្នាខ្លាំងដែរ រួមជាមួយនឹងទូរស័ព្ទប្រភេទ Android ផ្សេងៗទៀត ដោយសុទ្ធសឹងតែអួតថា មុខងារនៅលើទូរស័ព្ទរបស់ខ្លួនថ្មី និងប្លែកពីគេទាំងអស់។
យ៉ាងណាមិញសម្រាប់ Fan ដែលគាំទ្រក៏មានភាពខុសគ្នាដែរ ជាក់ស្តែងចំពោះ Fan iOS គឺតែគិតថាមុខងារដែលមាននៅលើ iPhone ល្អ ស្រួលប្រើ មានសុវត្ថិភាព ទាន់សម័យជាង រីឯអ្នកគាំទ្រ Android វិញក៏គិតដូចនេះដែរ។ ដោយឡែកបើងាកទៅមើល iPhone 14 ដែល Apple ទើបបញ្ចេញថ្មីៗនេះឃើញថាមានមុខងារថ្មីច្រើន ប៉ុន្តែមុខងារទាំងនោះហាក់ដូចគ្នាជាមួយនឹងមុខងារដែលមាននៅលើ Android យូរឆ្នាំហើយ។
ខាងក្រោមនេះគឺជាមុខងារថ្មីរបស់ iPhone និងជាមុខងារចាស់សម្រាប់ Android ដែលលបានបង្ហាញដោយ TheVerge៖
Apple Live Captions
ចំពោះមុខងារ Liv Caption នេះ Apple ទើបដាក់វាក្នុង iOS 16 តែប៉ុណ្ណោះ ដោយមុខងារនេះគឺអាចធ្វើការការ បង្ហាញ Caption ភ្លាមៗចំពោះការទាក់ទងគ្នាតាមរយៈវីដេអូឬសំឡេងផ្សេងៗនៅលើ iPhone។ បើទោះបីជាមុខងារនេះវាថ្មីសម្រាប់ iPhone ពិតមែនប៉ុន្តែសម្រាប់ Android វិញមានមុខងារ Live Caption ប្រើតាំងពីឆ្នា2019មកម្លេះ ។
លើសពីនេះទៅទៀតវាថែមទាំងអាចបកប្រែបានច្រើនភាសាថែមទៀតផង ប៉ុន្តែការបកបានច្រើនភាសារបានច្រើនបែបនេះពេលខ្លះក៏មិនសូវដូចអត្ថន័យដែលមនុស្សយើងបានបកដែរ។
Always-On Display
ចូលមកដល់មុខងារមួយនេះវិញមានអ្នកគាំទ្រជាច្រើនបានទាស់សម្តីគ្នា ហើយថ្មីៗ Apple ក៏ទើបតែប្រកាសដាក់មុខងារនេះនៅក្នុង iPhone 14 Series របស់ខ្លួនដែរគឺ iPhone 14 Pro និង iPhone 14 Max។ ហើយមុខងារនេះផងដែរគឺអាចឱ្យយើងមើល ម៉ោង Widgets Notification ជាដើមបើទោះបីជាទូរស័ព្ទរបស់យើងបិទសោក៏ដោយ។
សម្រាប់មុខងារ Always-On Display គឺមាននៅលើ Android អស់រយៈពេល 10ឆ្នាំមកហើយ ដែលវាដើរតួនាទីក្នុងការបង្ហាញម៉ោងពេលដែលអេក្រង់ទូរស័ព្ទយើងរលត់ ដូច្នេះរាល់ពេលដែលចង់មើលម៉ោងយើងមិនចាំបាច់ត្រូវចុចទូរស័ព្ទបើកទេ។
បើទោះបីជា Apple ដាក់មុខងារនេះនៅលើ iPhone យឺតពេលជាង Android បន្តិចមែន ប៉ុន្តែ Apple មិនឱ្យអ្នកប្រើប្រាស់ខកចិត្តទេ ដោយអនុញ្ញាតឱ្យយើងអាចធ្វើការច្នៃរូប ប្តូរពណ៌ ឬ Widgets ផ្សេងៗទៀតទៅតាមអ្វីដែលយើងចង់បានដើម្បីដាក់តាំងនៅអេក្រង់ជាមួយនឹងមុខងារ Always-On Display។
Lock Screen Widget
ចូលមកដល់ iOS 16 ឃើញថា Apple បានបន្ថែមមុខងារថ្មីច្រើនមែនជាក់ស្តែងដូចជាមុខងារ Lock Screen Widgets នេះជាដើម ពោលគឺអាចឱ្យអ្នកធ្វើការច្នៃ បន្ថែមបន្ថយ តាមបានច្រើនប្រភេទ ដោយឡែកសម្រាប់ Android វិញគឺមានតាំងតែពី10ឆ្នាំមុនក្នុង Android 4.2 ប៉ុន្តែគេបានដកវាទៅវិញនៅ Version 4.5។
Crash Detection
សម្រាប់មុខងារជូនដំណឹងម្ចាស់ពេលដែលយើងជួបគ្រោះថ្នាក់ក៏ Apple ទើបតែប្រកាសដាក់ឱ្យនៅលើ iPhone 14 ដែរ ដោយវាមានតួនាទីជូនដំណឹងទៅកាន់ផ្នែកសង្រ្គោះបន្ទាន់ណាមួយពេលដែលអ្នកជួបគ្រោះថ្នាក់ចរាចរណ៍ ឬសន្លប់បានមិនដឹងខ្លួនជាដើម ។
យ៉ាងណាមិញ Android នៅតែមានមុខងារនេះមុនដដែលដោយ Google បានបញ្ចូលមុខងារនេះក្នុងទូរស័ព្ទ Pixel តាំងពីឆ្នាំ2019 មកម្លេះ ដោយមុខងារនោះមាឈ្មោះថា Car Crash Detection ។ ហើយនៅមានមុខងារជាច្រើនទៀតដែល Apple ទើបតែមានក្រោយ Android ។
សម្រាប់អ្នកទាំងអស់គ្នាវិញយល់យ៉ាងណាដែរ? គិតថា Apple សំងំធ្វើក្រោយ Android អាចនឹងល្អជាងឬយ៉ាងណា?
អត្ថបទដោយ៖ រិន មករា
