តើ App Jamnay អាចជួយអ្វីខ្លះដល់អ្នកប្រើប្រាស់?

• ងាយស្រួលកត់ត្រា: កម្មវិធីនេះមានមុខងារសាមញ្ញ ធ្វើឱ្យអ្នកអាចកត់ត្រាចំណូល ឬចំណាយបានយ៉ាងឆាប់រហ័ស មិនថាអ្នកទិញអ្វី ញ៉ាំអី ឬចំណាយលើអ្វីផ្សេងទៀតឡើយ។
• បង្កើត "កាបូបលុយ" (Wallet): អ្នកអាចបង្កើតកាបូបលុយជាច្រើនប្រភេទ សម្រាប់គោលបំណងខុសៗគ្នា ដូចជា កាបូបសម្រាប់លុយផ្ទាល់ខ្លួន កាបូបសម្រាប់មុខរបរ ឬកាបូបសម្រាប់ប្រាក់សន្សំជាដើម។

• វិភាគរបាយការណ៍: នៅចុងខែ អ្នកអាចមើលរបាយការណ៍សរុប ដើម្បីដឹងថាការចំណាយរបស់អ្នកទៅលើអ្វីច្រើនជាងគេ ដូចជា ថ្លៃអាហារ ថ្លៃវិក្កយបត្រ ឬការធ្វើដំណើរជាដើម។ នេះអាចជួយអ្នកកាត់បន្ថយការចំណាយមិនចាំបាច់បាន។
• អាចប្រើបានដោយមិនចាំបាច់ភ្ជាប់អ៊ីនធឺណិត (Offline): នេះជាចំណុចពិសេសមួយ ដែលអនុញ្ញាតឱ្យអ្នកកត់ត្រាបានគ្រប់ពេល គ្រប់ទីកន្លែង ទោះបីជាគ្មានសេវាអ៊ីនធឺណិតក៏ដោយ។

ចំណុចពិសេសមួយរបស់កម្មវិធី App Jamnay គឺអ្នក មិនចាំបាច់ចុះឈ្មោះប្រើប្រាស់នោះទេ។ គ្រាន់តែទាញយកកម្មវិធីពី App Store ឬ Google Play Store រួចបើកកម្មវិធី អ្នកអាចចាប់ផ្តើមប្រើប្រាស់បានភ្លាមៗតែម្ដង។ នេះធ្វើឱ្យការចាប់ផ្ដើមគ្រប់គ្រងចំណូល ចំណាយរបស់អ្នកកាន់តែលឿន និងងាយស្រួលផងដែរ។

គូសបញ្ជាក់ផងដែរថា កម្មវិធីរបស់កូនខ្មែរមួយនេះ គឺបង្កើតឡើងសម្រាប់តម្រូវការប្រជាជនខែ្មរតែម្តង ដូចជាការបង់ថ្លៃសាលា បង់ថ្លៃភ្លើងទឹក ចំណាយលើម្ហូបអាហារប្រចាំថ្ងៃ សម្ភារៈផ្សេងៗ និងការចំណាយផ្សេងៗទៀត។ ដូច្នេះប្រសិនបើអ្នកចេះគ្រប់គ្រងហរិញវត្ថុពិតប្រាកដនោះ កម្មវិធីនេះនឹងត្រូវជាមួយអ្នកក្នុការ Support ជាគំនិត និងរបៀបចាយលុយផងដែរ ហើយវាក៏ជាផ្នែកមួយធ្វើឲ្យសេដ្ឋកិច្ចរបស់អ្នកមានស្ថេរភាព និងរឹងមាំ។