Adobe Premiere ដែលជាកម្មវិធីកាត់តវីដេអូដ៏ល្បីល្បាញមួយ ឥឡូវនេះបានដាក់ឱ្យប្រើប្រាស់ជាកម្មវិធីទូរស័ព្ទ iPhone ហើយ គឺអាចទាញយក និងប្រើប្រាស់បានដោយឥតគិតថ្លៃនៅលើ App store ហើយសម្រាប់ Android គឺមិនទាន់ដាក់ឲ្យប្រើប្រាស់ជាផ្លូវការនៅឡើយទេ។
កម្មវិធីទូរស័ព្ទនេះត្រូវបានរចនាឡើងសម្រាប់អ្នកបង្កើតមាតិកា (Creators) ដែលចង់កាត់តវីដេអូដែលមានគុណភាពខ្ពស់បានគ្រប់ពេលវេលា និងទីកន្លែង។ បើនិយាយពីចំណុចពិសេសវិញមានដូចជា៖
១./ ការកាត់តដោយឥតគិតថ្លៃជាមួយសមត្ថភាពខ្ពស់, Timeline ច្រើន Track (Multi-track timeline): សម្រាប់ដាក់ស្រទាប់ (layer) វីដេអូ, អូឌីយ៉ូ, និងចំណងជើង, អាចកាត់តបានត្រឹមត្រូវតាម Frame, គាំទ្រកម្រិត 4K HDR, អាច Export ទៅកាន់បណ្តាញសង្គមធំៗ (TikTok, YouTube Shorts, Instagram) ដោយមានការកែតម្រូវទំហំដោយស្វ័យប្រវត្តិ, គ្មាន Watermark ឬការផ្សាយពាណិជ្ជកម្មរំខាន។
២./ មុខងារ AI (Artificial Intelligence), ធ្វើឱ្យសំឡេងនិយាយរបស់អ្នកស្តាប់ទៅច្បាស់លាស់ និងមានគុណភាពដូចថតនៅក្នុងស្ទូឌីយោ, ប្រើប្រាស់ AI របស់ Adobe Firefly ដើម្បីបង្កើតបែបផែនសំឡេង (sound effects) តាមរយៈការណែនាំជាអត្ថបទ (prompts) របស់អ្នក, ប្រើ Generative AI ដើម្បីបង្កើតនូវ Stickers, ពង្រីកផ្ទៃខាងក្រោយ (background expansion), និងមាតិកាថ្មីៗផ្សេងទៀត។
៣./ ការរួមបញ្ចូលជាមួយ Premiere Pro Desktop, អ្នកអាចចាប់ផ្តើមគម្រោង (Project) នៅលើ iPhone ហើយបន្ទាប់មកផ្ទេរវាទៅកម្មវិធី Premiere Pro លើកុំព្យូទ័រ (Desktop) វិញ ដើម្បីបន្តការកែសម្រួលលម្អិតបន្ថែមទៀត។ ផ្តល់សិទ្ធិឱ្យចូលទៅកាន់បណ្ណាល័យដ៏ធំនៃរូបភាព, Font របស់ Adobe, Stickers, និងតន្ត្រីគ្មាន Royalty (Royalty-free music tracks) ដោយឥតគិតថ្លៃ។
គូសបញ្ជាក់ផងដែរថា Adobe Premiere ថ្មីសម្រាប់ iPhone នេះគឺជាឧបករណ៍ដ៏ល្អមួយដែលនាំមកនូវសមត្ថភាពកាត់តវីដេអូកម្រិតវិជ្ជាជីវៈ (Pro-quality) ទៅកាន់ទូរស័ព្ទរបស់អ្នកដោយឥតគិតថ្លៃ។ ហើយបច្ចុប្បន្នមានសម្រាប់តែ iPhone: កម្មវិធីនេះបានដាក់ឱ្យដំណើរការជាសកលនៅក្នុង App Store សម្រាប់ iPhone (និង iPad)។
