ជោគជ័យសម្បើមណាស់! ឡានអគ្គិសនី Xiaomi ថ្មី ប្រកាសហើយតែកន្លះម៉ោង កក់អស់៥ម៉ឺនគ្រឿង
Sakada Techie
APRIL 1 2024
យានយន្ត
233 views
1 min read

ក្រុមហ៊ុន Xiaomi ទើបនឹងប្រកាសសម្ពោធជាផ្លូវការនូវឡានអគ្គិសនីថ្មីរបស់ខ្លួន SU7 series ជាការពង្រីកវិសាលភាពអាជីវកម្មរបស់ខ្លួនពីស្មាតហ្វូន និង គ្រឿងអេឡិចត្រូនិក ចូលទៅកាន់វិស័យយានយន្តអគ្គិសនីដែលកំពុងតែរីកស្គុសស្គាយនោះ។

យោងតាមការចុះផ្សាយពីសំណាក់សារព័ត៌មានហុងកុង South China Morning Post បានឱ្យដឹងថារថយន្តសេរ៊ី SU7 ដែលមាន ៣ម៉ូដែលនោះត្រូវបានគេកក់រហូតដល់ ៥ម៉ឺនគ្រឿងក្រោយពេលបើកកក់ត្រឹមតែរយៈពេល ៣០នាទីតែប៉ុណ្ណោះ ហើយ៤នាទីដំបូងសន្ទុះនៃការកក់មានរហូតដល់ទៅ ១ម៉ឺនគ្រឿង។

SU7 មានបីម៉ូដែល SU7 SU7 Pro និង SU7 Max ដែលខុសគ្នាទៅលើជម្រើស (Option) និង រយៈចម្ងាយរបស់ថ្មដោយផ្ដើមពីតម្លៃសមរម្យ ២៩ ៨៨០ដុល្លារសម្រាប់ទីផ្សារស្រុកចិន ហើយតម្លៃនេះទោះចង់ឬមិនចង់ នឹងប្រកួតដោយបើកចំហរជាមួយប្រេនឡានអគ្គិសនីផ្សេងទៀតដូចជា Tesla BYD Nio ឬ Xpeng ជាដើម។

កាលពីពេលសម្ពោធ នាយកប្រតិបត្តិក្រុមហ៊ុន Xioami លោក Lei Jun ធ្វើការប្រដូច SU7 ទៅនឹង Tesla Model 3 តែឆ្លៀតអួតថា ៩០%នៃមុខងារមាននៅលើ SU7 ឈ្នះ Tesla Model 3 សឹងគ្រប់មុខ ជាមួយនឹងតម្លៃទាបជាងផងដែរ៕

បន្តអានអត្ថបទបន្ទាប់
ស្វែងយល់អំពីពួកយើង
ទំនាក់ទំនង​មក​ពួក​យើង
© 2024 Baksey Media. All Rights Reserved.
Developed by: Technology Cambodia