កន្លងមានការចុះផ្សាយច្រើនទាក់ទងជាមួយនឹងការលេចធ្លាយនូវរូបរាងក៏ដូចជាចំណុចពិសេសៗមួយចំនួនរបស់ Xiaomi 12s ដោយឡែក ថ្មីៗនេះក្រុមហ៊ុន Xiaomi បានធ្វើការបញ្ចេញជាផ្លូវនូវស្មាតហ្វូនលំដាប់កំពូល Xiaomi 12s រួមជាមួយនឹងការរចនាដ៏ទាក់ទាញទាំងកម្លាំង ជាពិសេសកាមេរ៉ាវាតែម្តង។
ដោយយោងទៅតាមការចុះផ្សាយរបស់ GSMARENA ស្មាតហ្វូនលំដាប់កំពូល Xiaomi 12s បានបំពាក់លែនកាមេរ៉ាទំហំ 50.3MP របស់ក្រុមហ៊ុន Leica ដែលវាអាចផ្តិតរូបភាពចេញមកប្រកបទៅដោយគុណភាព មានភាពដិតច្បាស់ល្អ រួមជាមួយនឹងការបន្ថែមពណ៌ដែលមើលទៅដូចរូបធម្មជាតិពិតៗ។
Xiaomi 12s បានបំពាក់មកជាមួយនឹងលែនកាមេរ៉ាចំនួន3គ្រាប់ដោយលែនទីមួយមានទំហំ 50.3MP f/1.9 23mm Wide angle លែនទី2 មានទំហំ 48MP f/4.1 120mm periscope telephoto និងលែនទី3 មានទំហំ 48MP ដូចគ្នាមាន f/2.2 13mm ប្រភេទ Ultra-wide។ លើសពីនេះទៅទៀតវាអាចថតវីដេអូបានដល់ 8K 24fps 4k 60fps និង 1080p អាចថតចាប់ពី 30fpsដល់240fps ឯណោះ។
យ៉ាងណាមិញ បើក្រឡេកទៅមើលពីអេក្រង់របស់ Xiaomi 12s នេះគឺមានទំហំ 6.73អិញ Super AMOLED ជាមួយនឹង Refresh Rate 120Hz។ ហើយចំពោះថ្មវិញមានទំហំ 4860mAh ដែលគាំទ្រទៅលើការសាកល្បឿនលឿន 67W និងការសាកល្បឿនលឿន Wireless 50W ថែមទៀតផង។
មិនតែប៉ុណ្ណោះ Xiaomi 12s នេះដំណើរការទៅដោយប្រព័ន្ធប្រត្តិបត្តិការ Android 12 MIUI 13 និងប្រើប្រាស់ទៅដោយឈីប SD 8+ Gen 1 ហើយមានជម្រើស RAM 8GB 12GB និងអង្គផ្ទុក 256GB 512GB ថែមទៀតផង។
អត្ថបទដោយ៖ រិន មករា
