កាលពីថ្មីៗនេះ ក្រុមហ៊ុន Mercedes-Benz ទើបតែរកឃើញនូវរថយន្តអគ្គិសនី Vision EQXX ដែលអាចរត់ឆ្លងកាត់ដល់ទាល់ ៣ ប្រទេសបាន ដោយការសាកថ្មតែម្តងជិះបានចម្ងាយជាង 1000km តែពេលនេះយីហោចិន ដែលទើបតែមកថ្មី ក៏បានរកឃើញនូវរថយន្តអគ្គិសនីស្រដៀងគ្នានេះដែរ តែអាចរត់បានចម្ងាយឆ្ងាយជាងទៅទៀត ។
ថ្ងៃនេះ Techonology Cambodia នឹងពំនាំនូវចំណីចក្ខុរបស់លោកអ្នក មកមើលនូវរថយន្តប្រណិត របស់ចិនដែលទើបតែបង្ហាញខ្លួនថ្មី នៅលើបណ្ដាញអ៊ីធឺណែតនាឥឡូវនេះ ។
ហើយនេះគឹជា Nezha S ដែលជារថយន្តអគ្គិសនីសុទ្ធ ចេញពីស្នាដៃរបស់ប្រជាជនចិន ដែលគ្រោងនឹងដាក់តាំងបង្ហាញដំបូងគេនៅ Beijing Auto Show ប៉ុន្តែជាអកុសលដោយសារតែមានជំងឺរាតត្បាត កូវិដ ១៩ ទើបតំបន់មួយចំនួនត្រូវបានបិទខ្ទប់ ហើយរថយន្តមួយនេះ ត្រូវខកខាតក្នុងការដាក់បង្ហាញ ទើបបានជាមកបង្ហោះនៅលើប្រព័ន្ធអ៊ីនធឺណែតវិញម្តង ។
តួយ៉ាង ចំពោះម៉ាកយីហោថ្មី Nezha ឬ Neta ត្រូវបានបង្កើតឡើងនៅក្នុងឆ្នាំ ២០១៨ ដោយក្រុមហ៊ុន Hozon Auto ហើយក្រុមហ៊ុនមួយនេះបានសម្រេចផលិតរថយន្តជាប្រភេទ SUV ២ម៉ូដែលមកហើយ គឺ U និង V ចំណែកម៉ូដែល S ជាប្រភេទ Sedan ដែលទើបផលិតរួចហើយចុងក្រោយគេ ។
បើនិយាយពីវិមាត្រឬកម្ពស់កំពរជើងក្រោមរបស់រថយន្តប្រភេទ Sedan នេះមានប្រវែង 4800mm ទទឹង 2000mm និង កម្ពស់ 1400mm ជាមួយគម្លាតពីកង់មុខមកកង់ក្រោយ( Whellbase ) មានប្រវែង 2900mm ជើងទម្រប៉ុណ្ណេះមានលក្ខណ:ធំជាង Tesla Model 3 បន្តិច និងមានភាពប្រហាក់ប្រហែលជាមួយគូប្រជែងក្នុងស្រុក រួមមាន BMW I3 , Nio ET5 , BYD Seal និង Xpeng X7 ទៀតផង ។
ចំពោះផ្នែកខាងក្នុង ត្រូវបានគេរចនាឡើងរំលេចចេញជាអេក្រង់ infotainment បញ្ឈរដ៏ធំ បង្ហាញភាពទាន់សម័យប្រណិតភាព រួមផ្សំជាមួយនឹងអេក្រង់តូចមួយទៀតនៅចំពីខាងមុខសម្រាប់អ្នកធ្វើដំណើរជាមួយចុចលេងជៀសវាងរំខានដល់អ្នកបើកបរ ។ លើសពីនេះគេបានញ៉ាត់បន្ថែមនូវផ្ទាំងអេក្រង់តូចមួយសម្រាប់ផ្តល់ព័ត៌មានបានរហ័សនៅកញ្ចាក់ខាងមុខទៀតផង ។
ដើម្បីធ្វើឲ្យរថយន្តអគ្គិសនី Nezha S នេះអាចរត់ចម្ងាយបានឆ្ងាយ គឺដោយសារតែ មានប្រព័ន្ធគ្រប់គ្រងសីតុណ្ហភាពថ្មរបស់ HozonEPT 4.0 ដែលត្រូវជួយជម្រុមជ្រែងផ្តល់នូវបច្ចេកវិទ្យាពី សំណាក់ ក្រុមហ៊ុនទូរស័ព្ទ Huawei និងម៉ូទ័រអេឡិចត្រិចដែលមានប្រសិទ្ធភាព 92% ឯណោះ ។ មួយវិញទៀត ក្រុមហ៊ុន Nezha មិនទាន់ប្រកាសពីលក្ខណ:សម្បត្តិ ឲ្យល្អិតអន់នៅឡើយទេ ក៏ប៉ុន្តែពួកគេសង្ឃឹមថាវាអាចរត់ចម្ងាយបាន 710 Km សម្រាប់ប្រភេទធម្មតា និង 1100km សម្រាប់ម៉ូដែលខ្ពស់ ។
គូសបញ្ជាក់ផងដែរថា សម្រាប់តម្លៃរបស់ Nezha S មិនទាន់មានទិន្នន័យច្បាស់លាស់នោះទ ប៉ុន្តែបងប្អូនអាចតាមដានការអាប់ដេតព័ត៌មាននៅ លើគេហទំព័រផ្លូវការ Hozon បាន ។
ប្រភព ៖ CarScoops
អត្ថបទដោយ៖ ព្រឹម ភក្ដី (Fb : Pheakdey Prem , Telegram : 0102720222 )
