ក្រុមហ៊ុន Mercedes-Benz បានប្រកាសថា ខ្លួនទើបតែផលិតរថយន្តអគ្គិសនី Vision EQXX បានសម្រេចយ៉ាងជោគជ័យ ហើយក៏បានធ្វើតេស្តចម្ងាយ ក៏បានឃើញថារថយន្តអគ្គិសនីនេះអាចរត់បានជាង ១០០០ គីឡូម៉ែត្រ ឬ ៦២១ ម៉ាយ ឯណោះ ដោយការសាកថ្មតែមួយលើក ។
បើយោងតាមប្រភពរបស់ គេហទំព័រ THE VERGE បានឲ្យដឹងថា ក្រុមហ៊ុន Mercedes-Benz ទទួលបានជោគេជ័យជាខ្លាំងលើគម្រោងស្រាវជា្រវរថយន្តអគ្គិសនី Vision EQXX ដែលមានសមត្ថភាពលើសរថយន្តទូទៅ រត់ចម្ងាយបានតែចន្លោះ ២៥០ - ៣០០ ម៉ាយតែប៉ុណ្ណោះ ។
ម្យ៉ាងវិញទៀត ក្នុងការធ្វើតេស្តសាកល្បងលើកដំបូងរបស់ Vision EQXX ខាងក្រុមហ៊ុន Mercedes-Benz បានឆ្លើយតបមកកាន់ប្រភពខាងលើថា «ខ្លួនបានយករថយន្តមួយនេះមករត់លើផ្លូវរាបធម្មតាដោយ កំណត់ល្បឿនខ្ទង់ 54 mph ហើយបានដាក់គោលដៅរត់ចម្ងាយ ចាប់ផ្តើមចេញពីប្រទេសអាឡឺម៉ង់ បន្ទាប់មកបន្តមកកាន់ប្រទេសស្វីស និងអ៊ីតាលី ហើយនៅទីបញ្ចប់នៃបេសកម្មរបស់ Vision EQXX គឺត្រង់ កំពង់ផែ Classis ក្បែរទីក្រុង Marseille នៅឯភាគខាងត្បូងប្រទេសបារាំង » ។
/cdn.vox-cdn.com/uploads/chorus_asset/file/23141861/2021_12_07_Image_22C0001_153.jpg)
សរុបមករថយន្តរបស់ Mercedes-Benz មួយនេះ គឺរត់ឆ្លងកាត់ប្រទេសចំនួន ៣ ដោយជួបនូវសីតុណ្ហភាពប្រែប្រួលទៅតាមប្រទេសនីមួយៗ ទៀតផង ក៏ប៉ុន្តែ Vision EQXX នេះតែរក្សាកេរ្តិ៍ឈ្មោះឲ្យ Mercedes-Benz ដដែល ។
ចំណុចគួរឲ្យចាប់អារម្មណ៍មួយគឺ ពេលរថយន្តនេះមកចំកន្លែងគោលដៅ គេបានពិនិត្រឃើញថា ថាមពលអាគុយបាននៅសល់ ១៥ ភាគរយ ដែលធ្វើឲ្យរថយន្តនេះអាចបន្តដំណើរបាន ១៤០ គីឡូម៉ែត្រថែមទៀត ដោយការប្រើបា្រស់ថាមពលម៉ូទ័រជាមធ្យមមានកម្រិតទាបបំផុត គឺ 8.7 kwh ក្នុង 100km ។
តួយ៉ាងការស្រាវជ្រាវលើរថយន្តអគ្គិសនីរបស់ Mercedes-Benz លើកនេះគឺត្រូវចាយលុយមិនតិចជាងលានដុល្លារទេ ក្នុងការស្វែងរកបច្ចេកវិទ្យាអ្វីដែលថ្មី និងខ្លាំងលើសគេ ធ្វើយ៉ាងណាពេលរថយន្តនេះបានទៅដល់ដៃអតិថិជនហើយ គឺគ្រាន់ឡើងពាក្យថា ខកចិត្ត ។ មួយវិញទៀត សម្រាប់ Vision EQXX របស់ ក្រុមហ៊ុនលំដាប់អភិជន Mercedes-Benz ក៏ទំនងអាចនឹងមានការប្រកួតប្រជែងជាមួយរថយន្តប្រណិតៗរបស់ក្រុមហ៊ុនផ្សេងទៀត រួមមានPorsche Taycan , Audi E-tron GT និងរថយន្តស្ព័រ Tesla ដែលមានកេរ្តិ៍ឈ្មោះល្បីជាងគេ គឺ Tesla Roadster ។
គូសបញ្ជាក់ផងដែរថា ចំពោះកម្លាំងខាងក្នុង និង តម្លៃ ក្រុមហ៊ុនធំរបស់អាឡឺម៉ង់មួយនេះមិនទាន់បានបង្ហើបនៅឡើយទេ ពោលគឺខ្លឹមសារដែលបានរៀបរាប់ខាងលើនេះគ្រាន់តែជាការធ្វើតេស្តថាមពលអាគុយ និងសិក្សាបន្ថែមលើបញ្ហាគ្រឿងក្នុងរបស់ Vision EQXX តែប៉ុណ្ណោះ ។
ជាចុងក្រោយ បន្ទាប់ពីបានអានអត្ថបទនេះហើយ លោកអ្នកយល់បែបណាដែរចំពោះរថយន្តមួយនេះ ហើយលោកអ្នកក៏អាចស្មានតម្លៃរបស់ Vision EQXX មួយនេះលេងៗបាន ក្រោយពេល Mercedes-Benz ប្រកាសទិន្នន័យជាផ្លូវការ ។ ប្រសិនជាព័ត៌មានបន្ថែមទៀត ពួកយើង ចាបខៀវ នឹងបន្តបកស្រាយសម្រាយអត្ថបទនេះឲ្យកាន់តែជាក់ច្បាស់ថែមទៀត ៕
អត្ថបទដោយ៖ ព្រឹម ភក្ដី (Fb : Pheakdey Prem , Telegram : 0102720222 )
